امریکادا سویوق هاوالار اینسانلارا چتینلیکلر یارادیب
امریکانین شرق و شیمال-شرق بؤلگهلرینی تأثیری آلتینا آلماغا باشلایان قار و شدتلی سویوق هاوالار گوندهلیک حیاتا منفی تأثیر ائدیر.
امریکانین شرق و شیمال-شرق بؤلگهلرینی تأثیری آلتینا آلماغا باشلایان قار و شدتلی سویوق هاوالار گوندهلیک حیاتا منفی تأثیر ائدیر.
هاوانین اوزون مدتدیر مؤوسوم نورمالاریندان یوکسک اولدوغو امریکانین کانادا سرحدینه یاخین بؤلگهلرینده حیس ائدیلمهیه باشلایان سویوق هاوا خصوصیله نیویورک، پنسیلوانیا و اوهایونون شیمال حیسهلرینده چتینلیکلره سبب اولوب. امریکانین میللی هاوا پروقنوزو خیدمتینه گؤره، اؤلکهنین شرقینه دوغرو ایرهلیلهین دوندوروجو هاوا کوتلهسینین بیر مدت بو بؤلگهدکی ایالت لره تأثیر گؤسترمهسی گؤزلنیلیر. رسمیلر قارین حاضیردا کانادا سرحدینده یئرلشن گؤللر بؤلگهسینی تأثیری آلتینا آلدیغینی و بیر نئچه گون عرضینده امریکا اهالیسینین تخمینن 70 فایزینین دونما حدیندن آشاغی تمپراتورو حیس ائدجگینی بیلدیریب.
شرق بؤلگهسیندهکی بعضی ایالت لر آراسی یوللارین قاردان جدی تاثیرلنهجگی و بعضی بؤلگهلرده 15-25 سانتیمتر آراسیندا قار یاغینتیسینین قئیده آلیناجاغی قئید اولونوب.
نیویورکون کانادا سرحدیندهکی اونتاریو گؤلو اطرافیندا ایسه هفته سونو داواملی یاغینتیلار نتیجهسینده قارین قالینلیغینین 1،8 متره چاتاجاغی گؤزلنیلیر. بونا گؤره همین بؤلگهده فوق العاده وضعیت اعلان ائدیلیب.
اوهایونون و پنسیلوانیانین شیمال حیسهلرینده ده قار یاغیشی سببیندن نقلیاتین بعضی یئرلرده تامامیله دایاناجاغی، هاوا نقلیاتیندا ایسه جدی گئجیکمهلرین یاشاناجاغی بارهده خبردارلیق ائدیلیب.
