مالزیده طبیعی فلاکت: 150 میندن چوخ اینسان تخلیه ائدیلیب
مالزیده موسمی یاغیشلارینین تؤرتدیگی داشقینلار 150 میندن چوخ آدامین تخلیهسینه سبب اولوب.
مالزیده داوام ائدن موسمی یاغیشلارینین یاراتدیغی داشقینلار نتیجهسینده 150 میندن چوخ اینسان تهلوکهسیز بؤلگهلره کؤچورولوب.
برنما خبر آژآنسینین معلوماتینا گؤره، گوجلو یاغیشلارین یاراتدیغی داشقین و تورپاق سوروشمهلری خصوصیله کلانتان ایالتینده و دیگر بیر چوخ بؤلگهده حیاتی چتینلشدیرمکده داوام ائدیر.
اؤلکه اوزره داشقینلار سببیندن تهلوکهسیز بؤلگهلره تخلیه ائدیلنلرین سایی 152 مینی اؤتوب. ان چوخ ضرر چکمیش کلانتان ایالتینده ایسه 96 میندن چوخ اینسان تخلیه ائدیلیب.
رسمیلر اولکهدهکی بئش بؤیوک چایدا سویون سویهسینین "تهلوکهلی" حده چاتدیغینی بیلدیریب.
میللی فلاکت ایداره ائتمه آژانسی اؤلکهنین 7 ایالتینده گوجلو یاغیشلار سببیندن داشقینلار و تورپاق سوروشمهلرینین باش وئردیگینی، ایلکین معلوماتا گؤره، 3 نفرین حیاتینی ایتیردیگینی آچیقلاییب.
نوامبر آییندا باشلاییب مارس آیینا قدر داوام ائده بیلن موسمی یاغیشلاری مالزینین بیر چوخ بؤلگهسینده گئنیش میقیاسلی داشقینلار و تورپاق سوروشمهلرینه سبب اولور.
