روسیه‌نین مودافیعه ناظیری، قوزئی کره‌‌یه سفر ائدیب
روسیه‌نین مودافیعه ناظیری آندرئی بئلووسوو و قوزئی کره‌نین مودافیعه ناظیری نو کوانق چول، ایکی اؤلکه آراسیندا حربی امکداشلیغی موذاکیره ائدیبلر
روسیه‌نین مودافیعه ناظیری آندرئی بئلووسوو و قوزئی کره‌نین مودافیعه ناظیری نو کوانق چول، ایکی اؤلکه آراسیندا حربی امکداشلیغی موذاکیره ائدیبلر.
بئلووسوو قوزئی کره‌نین باشکندی پیونگ‌یانگ-ا سفری چرچیوه‌سینده قوزئی کره‌نین ساوونما باخانی نو کوانق ایله گؤروشوب.
گوروشون باشیندا وئردیگی آچیقلامادا بئلووسوو قوزئی کره‌نین دوست اؤلکه اولدوغونو ایفاده ائده‌رک، "ایکی اؤلکه لیدئرلری آراسیندا اعتیبارلی قارشیلیقلی علاقه روسیه-قوزئی کره علاقه‌لرینین مؤحکملنمسینده اساس رول اویناییر. ایکی‌طرف‌لی علاقه‌لر بوتون ساحه‌لرده او جومله‌دن حربی امکداشلیق قونوسوندا اینکیشاف ائدیر" دئدی.
جون آییندا روسیه ایله قوزئی کره آراسیندا هرطرفلی استراتئژیک طرفداشلیق سازیشینین ایمضالاندیغینا دقت چکن بئلووسوو، "بو موقاویله قوزئی- دوغو آسیادا ثابیتلشدیریجی رول اویناییر، بؤلگه‌ده گوج بالانسینین قورونماسینا مثبت تاثیری وار و نووه سیلاحینین ایستیفاده‌سی‌ده داخیل اولماقلا کره یاریم‌آداسیندا یئنیدن موحاریبه ریسکینی آزالدیر. سؤزوگئدن راضیلاشما آوراسیادا یئنی تهلوکه‌سیزلیک سیستئمینین اساسینی تشکیل ائدیر" دئدی.
قوزئی کره‌نین مودافیعه ناظیری نو کوانق دا روسیه ایله علاقه‌لره اؤنم وئردیکلرینی و بو علاقه‌لری دایم گوجلندیرمک ایستدیکلرینی ایفاده ائده‌رک، "ایکی اؤلکه‌نین مودافیعه ناظیرلیکلری آراسیندا امکداشلیق اینکیشاف ائدیر" دئدی.
