پوتین: اوکراینا نوکلئر سیلاحینا مالیک اولسا، اللرینده اولان بوتون سیلاحلاردان ایستیفاده ائدجکلر
روسیا پرئزیدئنتی ولادیمیر پوتین بیلدیریب کی، اوکراینا نوکلئر سیلاحینا مالیک اولسا، اللرینده اولان بوتون سیلاحلاردان ایستیفاده ائدجکلر.
روسیا پرئزیدئنتی ولادیمیر پوتین بیلدیریب کی، اوکراینا نوکلئر سیلاحینا مالیک اولسا، اللرینده اولان بوتون سیلاحلاردان ایستیفاده ائدجکلر.
قازاخیستانین پایتاختی آستانادا کئچیریلن کوللئکتیو تهلوکهسیزلیک موقاویلهسی تشکیلاتینین (کتمت) لیدئرلر زیروه توپلانتیسیندان سونرا مطبوعات کونفرانسی کئچیرهن ولادیمیر پوتین، اوکراینا اوردوسونون غربین وئردیگی اوزاق منزیللی سیلاحلارلا اؤلکهسینه سالدیریلار تشکیل ائتدیینه دقت چکیب. "بو، غرب اؤلکهلرینین اوکراینایا سالدیری ائتمهسینین گؤستریجیسیدیر" دئدی.
گئجه ساعتلاریندا اوکراینانین حربی عنصورلارینا ۹۰ راکئت و ۱۰۰ اینسانسیر هاوا آراجلاری (پوا) ایله سالدیریلار حیاتا کئچیردیکلرینی بیلدیرن پوتین، "روسیایا قارشی تجاووزکار حرکتلره طبیعی کی، جواب وئرجگیک" دئدی.
اوکراینایا نوکلئر سیلاحینین چاتدیریلماسی ایمکانلارینی دیرلندیرن پوتین دئییب:
"اوکراینا نووه سیلاحی الده ائدرسه، او زامان الیمیزده اولان بوتون سیلاحلاردان ایستیفاده ائدجگیک. اگر نوکلئر سیلاحی رسمی اولاراق اوکراینایا وئریلرسه، بو، کوتلوی قیرغین سیلاحلارینین یاییلماماسی( نوکلئر سیلاحلارینین یاییلماسی) ایله باغلی اوزرینه گؤتوردویو بوتون مسئولیتلرین پوزولماسی دئمک اولاجاق.
روسیا لیدئری همچینین ۲۰۲۲-جی ایلین فئورالیندان ساواش وضعیتینده اولدوقلاری اوکراینا ایله داها اول اعلان ائتدیکلری شرطلرله دانیشیقلارا آچیق اولدوقلارینی بیر داها وورغولاییب.
