لندون‌دا ترور تشکیلاتی‌نین طرفدارلاری ایله پولیس آراسیندا قارشیدورما باش وئریب

بؤیوک بریتانیادا پ.کا.کا ترور تشکیلاتی‌نین طرفدارلاری ایکینجی دفعه اعتراض آکسیاسی کئچیره‌رک یئنی‌دن پولیسله قارشیدورمایا گیریب‌لر.

اعتراض آکسیاسی پ.کا.کا ترور تشکیلاتینا قارشی آپاریلان سوروشدورما چرچیوه‌سینده 7 نفرین ساخلانیلماسیندان سونرا باش وئریب.

معلوماتا گؤره، بؤیوک بریتانیانین پایتاختی لندون‌دا، "تورنپیک لین" مترو ایستگاهی‌نین چیخیشیندا توپ‌لانان پ.کا.کا طرفدارلاری، داها سونرا "هارینجی" بؤلگه‌سینده یئرلشن و "اجتماعی مرکز" آدی آلتیندا ایستیفاده اولونان درنک بیناسینا دوغرو یوروش ائدیب‌لر.

"یوروش زامانی تورکیه و بؤیوک بریتانیا علیهینه شعارلار سسلندیرن پ.کا.کا طرفدارلاری، درنک بیناسی‌نین یاخینلیغیندا باریکاد قورماغا چالیشان پولیس قوه‌لری ایله توققوشوب‌لار"، - معلوماتدا بیلدیریلیر.

قئید ائدیلیب کی، پ.کا.کا طرفدارلاری‌نین پولیس امکداش‌لارینا سو شوشه‌لری آتماقلا هوجوم ائتمه‌یه جهد گؤسترمه‌سیندن سونرا قروپ ایله پولیس آراسیندا قارشیدورما یارانیب.