بیرلشمیش میللتلر تشکیلاتی، اوکراین گوندهلیگی ایله توپلاندی
بیرلشمیش میللتلر تشکیلاتینین تهلوکهسیزلیک شوراسینین توپلانتیسیندا، روسیه-اوکراین خطیندکی یوکسک گرگینلیک موذاکیره اولونوب
بیرلشمیش میللتلر تشکیلاتینین تهلوکهسیزلیک شوراسی اوکراین گوندهلیگی ایله توپلاندی.
روسیه-اوکراین خطیندکی یوکسک گرگینلیک موذاکیره اولونوب.
بیرلشمیش ملیلتلر تشکیلاتینین باش کاتیبینین معاوینی میروسلاو جینکا قید ائدیب کی، سون واختلار روسیه-اوکراین ساواشیندا وضعیت گرگینلهشیب.
بونون ناراحاتلیق دوغوردوغونو بیلدیرن جینکا، "تهلوکهلی وضعیت دؤورونو گئری قایتارمالیییق" دئدی.
بالیستیک راکئتلردن ایستیفادهنین و بونونلا باغلی تهدیدلرین گرگینلیگی آرتیران چوخ تهلوکهلی اینکیشافلار اولدوغونو وورغولایان جینکا، «بوتون طرفلری گرگینلیگی آزالتماغا چاغیریریق» دئدی.
جبهه خطینده هوجوملار داوام ائدیر.
روسیه قووهلری اوکراینین دونئتسک ویلایتینین کراماتورسک شهرینی ایکی دفعه بومبالاییب.
هوجومدا جان ایتکیسی اولماسا دا، ۴۰-دان چوخ بینایا زیان دییب. روسیه دونئتسکده نووایا ایلیینکا قصبهسینی اله گئچیردیگینی آچیقلاییب. سومییه ائدیلن هوجوملاردا چوخلو بینالارا دا زیان دییب.
اوکراین پرئزیدئنتی ولادیمیر زلئنسکی ناتو-نون باش کاتیبی مارک روته ایله تلئفونلا دانیشیب.
اوکراینین هاوا هوجوموندان مودافیعه ایمکانلارینین گوجلندیریلمهسی مسئلهلری موذاکیره ائدیلیب.
ایلگیلیلی خبرلر
آوروپا بیرلیگی غزهیه 120 میلیون یورو دگرینده یاردیم گؤندرهجک
آوروپا بیرلیگی بو ایل غزهیه 120 میلیون یورو دگرینده یاردیم گؤندرجگینی آچیقلاییب.
