لبنان ایله ایسرائیل حکومتلری آراسیندا آتیشکس
جو بایدن، لبنان ایله ایسرائیل حکومتلری آراسیندا آتیشکس آندلاشماسینا چاتیلدیغینی مطبوعات شرحی ایله ائشیتدیردی
آمریکا بیرلشمیش دؤولتلری باشقانی جو بایدن، لبنان ایله ایسرائیل حکومتلری آراسیندا آتیشکس آندلاشماسینا چاتیلدیغینی مطبوعات شرحی ایله ائشیتدیردی.
طرفلر آراسیندا تامین ائدیلهن آتیشکسین یئرلی ساعاتلا ۰۴.۰۰ده قوهیه گیردیگینی بیلدیرهن جو بایدن، لبنان سلاحلی قوتلرینین ۶۰ گون ایچینده اؤلکهنین جنوب سرحدینه یئرلشرک بو بؤلگهنین ایدارهسینی تامین ائدجگینی ایفاده ائتدی.
آندلاشمانین، سؤزو گئدن بؤلگهدن حزبالله عنصورلارینین سلاحسزلاندیریلاراق لیطانی چایینین شیمالینا کئچیریلمهسینی نظرده توتدوغونو یبیلدیرن بایدن، ۶۰ گونلوک مدت عرضینده ایسرائیل عسگرلرینین مرحلهلی شکیلده بؤلگهدن گئری چکیلهجگینی سؤیلهدی.
بایدن، بو مدتده لبناندا هر هانسی بیر آمریکا عسگرینین وظیفه آلمایاجاغینی ده قئید ائتدی.
آمریکا و فرانسانین باشینی چکدیگی بیر بین الخالق کوالیسیونون آتیشکس آندلاشماسینین تطبیق اولونماسی مؤوضوعوندا دستک وئرجگینی ایفاده ائدن بایدن، ایسرائیل هوجوملاری سببی ایله یئریندن ائدیلهن لبنانلیلار ایله ایسرائیلین شیمالینداکی یهودی مسکونلاشماچیلارین ائولرینه دؤنمهسینین تامین ائدیلهجگینی ده دیله گتیردی.
آتیشکسین قوهیه گیرجگینین آچیقلانماسیندان اول مطبوعاتا عکس اولونان ادعالارا گؤره، ایسرائیل اوردوسونون و حزباللهین چکیلدیگی ایسرائیل-لبنان سرحدیندن لیطانی چایینا قدر اولان بؤلگهیه ۵ مین ائله ۱۰ مین قدر لبنان عسگری یئرلشدیسریلهجک.
بیرلشمیش میللتلر تهلوکهسیزلیک شوراسینین ۱۷۰۱ سایلی قرارینا اویغون اولاراق لبنانداکی سؤزو گئدن قروپلارین یئنیدن سلاحلانماسینی اؤنلهمک اوچون، لبنانا سلاح ساتیشی و یا لبنان ایچینده سلاح استحصالی لبنان حکومتی طرفیندن کنترل ائدیلهجک.
اؤته یاندان مطبوعاتدا ایشتیراک ائدن دیگر بیر ادعایا گؤره، "آمریکا، حزباللهین آندلاشمانی پوزدوغو تعیین ائدیلسه ایسرائیله یئنیدن هوجوم ائتمه حاقی تانییان و آندلاشما متنینده اولمایان بیر تعهود وئردی".
جو بایدن، لبنان ایله ایسرائیل حکومتلری آراسیندا آتیشکس راضیلاشماسینا چاتیلدیغینی آچیقلایاندان سونرا باش ناظیر میقاتی ایله تلفوندا دانیشدی. میقاتی، تلفن دانیشماسیندا، آمریکا و فرانسانین قاتقیسییلا واریلان آتیشکس قرارینی ممنونیتله قارشیلادیغینی ایفاده ائتدی. میقاتی، ایسرائیلین آتیشکس قرارینا تام اولاراق اویغون گلمهسینی، لبناندا ایشغال ائتدیگی بوتون ساحه و بؤلگهلردن چکیلمهسینی و بیرلشمیش میللتلر تهلوکهسیزلیک شوراسینین ۱۷۰۱ سایلی قرارینا تام اولاراق اویغون گلمهسینی طلب ائتدی.
لبنان وطنداش مدافعه مودورلوگو ایسه خالقا "رسمی مقاملار آتیشکسین تام تامین ائدیلدیگینی آچیقلایانا قدر" اؤلکهنین جنوبونا قاییتمایین خبردارلیغینی ائتدی.
وطنداش مدافعه مودورلوگونه باغلی عملیات اوتاغیندان وئریلهن یازیلی شرحده، لبنان خالقینا، تهلوکهسیزلیکلری و اعتبارلی بیر شکیلده گئری قاییدیشلاری اوچون تعلیماتلارا اویغون گلمهلری ایستهنیلدی.
شرحده، آتیشکسین تام اولاراق تامین ائدیلدیگیندن آرخایین اولماق اوچون علاقهلی مقاملاردان رسمی بیر شرح ائدیلمهدن کند و بؤلگهلره گئدیلمهمهسی، کند و شهرلره گئدن یوللارین آراشدیریلماسی و تهلوکهسیزلیک گوجلرینین تعلیماتلارینا اویغون گلینمهسی چاغیریشی ائدیلدی.
لبنان رسمی خبر آژانسی ان ان ای، ایسرائیل اوردوسونون بیروتون جنوبونا هاوا هوجوملاری تشکیل ائتدیگینی بیلدیررکهن، یئرلی مطبوعاتدا دا ایسرائیل اوردوسونون آتیشکس آندلاشماسینین قوهیه گیردیگی آنا قدر اؤلکهنین جنوبونا و شرقینه ایستیقامتلی هاوا هوجوملاری تشکیل ائتدیگی ایفاده ائدیلدی. آتیشکس آندلاشماسینین یئرلی ساعاتلا ۰۴.۰۰ (تورکیه ساعاتی ایله ۰۵.۰۰) اعتیبارییلا قوهیه گیرمهسینین آردیندان، ایسرائیل هوجوملارینین دایاندیغی بیلدیریلدی.
