ولزده "بئرت" فیرتیناسی
بؤیوک بریتانیانین بیر حیصّهسی اولان ولزده "بئرت" فیرتیناسینین یاراتدیغی گوجلو یاغیشلار نتیجهسینده بیر نفر اؤلوب، ائولر و یوللار سو آلتیندا قالیب
بؤیوک بریتانیانین بیر حیصّهسی اولان ولزده "بئرت" فیرتیناسینین یاراتدیغی گوجلو یاغیشلار نتیجهسینده بیر نفر اؤلوب، ائولر و یوللار سو آلتیندا قالیب.
شیدتلی فیرتینا سببی ایله ولزده ۴۰-دان چوخ داشقین خبردارلیغی ائدیلرکن، پونتیپرید شهرینده بعضی یوللار، ائولر و ماشینلار سو آلتیندا قالیب.
داشقیندان سونرا تاف چایی بویونجا یاشایان ساکینلر ائولریندن سویو چیخارماغا چالیشیبلار.
او بیری طرفدن قوزئی ولز پلیسیندن وئریلن آچیقلامادا فیرتینا زامانی کونوی چاییندا ایتن بیر آداما عائید اولدوغو دوشونولن جسدین تاپیلدیغی بیلدیریلیب.
بؤیوک بریتانیادا فیرتینا ایله علاقهدار ۴۰۰-ا یاخین داشقین خبردارلیغی ائدیلیب.
مئتئورولوژی ادارهسیندن وئریلن آچیقلامادا قار، بوز، گوجلو یاغیش و گوجلو کولهیه سبب اولان بئرت فیرتیناسی سببی ایله "چوخ تهلوکهلی حادیثهلرین باش وئرهبیلجهیی" خبردارلیغی ائدیلیب.
آچیقلامادا بیلدیریلیب کی، شیدتلی توفان سببیندن گئدیش-گلیشده آخسامالار اولابیلر، داشقینلار باش وئرهبیلر، بعضی بؤلگهلرده کولهیین سورعتی ساعاتدا ۱۱۳ کیلومئتره چاتابیلر.
