آمریکادا بیر اوشاق لیستریا باکتریسی سببی ایله اؤلدو
آمریکا خستهلیک ایداره و اؤنلهمه مرکزی، کالیفورنیا ایالتینده بیر کؤرپهنین لیستریا باکتریسی سببی ایله حیاتینی ایتیردیگینی، دؤرد ایالتده ۹ آدامین خسته خانایا قالدیریلدیغینی بیلدیردی
آمریکا بیرلشمیش دؤولتلرینده "لیستریا" باکتریسی سببی ایله بیر کؤرپه حیاتینی ایتیردی.
آمریکا خستهلیک ایداره و اؤنلهمه مرکزی، کالیفورنیا ایالتینده بیر کؤرپهنین لیستریا باکتریسی سببی ایله حیاتینی ایتیردیگینی، دؤرد ایالتده ۹ آدامین خسته خانایا قالدیریلدیغینی بیلدیردی.
شرحده، کالیفورنیا، نیویورک، ایلینوی و نیو جرسیده جمعی ۱۱ حادثه بیلدیریلدیگی ده قئید ائدیلدی. آمریکا خستهلیک ایداره و اؤنلهمه مرکزی، باکترینین ‘یو- شانگ فوود' آدلی برندین یئمهک محصوللاریندان بولاشمیش اولا بیلهجگینی، آراشدیرمالارین داوام ائتدیگینی ایفاده ائتدی.
لیستریا باکتریسی ندیر؟
لیستریا باکتریسی، خصوصیله غذا قایناقلی انفکسیونلارا یول آچا بیلهن بیر باکتری نؤوعودور. ان یاییغین نؤوعو لیستریا مونوسیتوژنزدیر. بو باکتری، عمومیتله سود محصوللاری، چی اتلر و ایشلنمیش اتلر کیمی غذالاردا اولا بیلیر. لیستریانین سبب اولدوغو انفکسیون، لیستریوز اولاراق بیلینر.
لیستریوز، خصوصیله ایمون سیستمی ضعیف اولان شخصلر، حامیله قادینلار، یاشلیلار و کؤرپهلر اوچون جدی ساغلاملیق پروبلئملرینه یول آچا بیلر. حامیله قادینلاردا بو انفکسیون، دوشوک و یا ائرکهن دوغوم و کؤرپهده جدی ساغلاملیق پروبلئملرینه سبب اولا بیلر.
ایلگیلیلی خبرلر
آوروپا بیرلیگی اوکراینایا 3 میلیارد یورو وامی کؤچوروب
بو بارهده آوروپا کمیسیونونون رهبری اورسولا فون در لاین آچیقلاما وئریب.
