بورئل: غزهده قوربانلارین اکثریتی اوشاقلاردیر
جوزف بورئل، ایسرائیلین غزهیه هوجوملارینا ایشاره ائدهرک، بونو "اوشاقلارا و اونلارین گلجهیینه قارشی ساواش" اولاراق گؤروب
آوروپا بیرلیگی خاریجی علاقهلر و تهلوکهسیزلیک سیاستی اوزره عالی نومایندهسی جوزف بورئل بیلدیریب کی، فیلیسطینده، خوصوصیله غزهده قوربانلارین اکثریتی اوشاقلاردیر.
اردن اونیوئرسیتهسیندن وئریلن آچیقلامایا گؤره، جوزف بورئل بینالخلق سیاستدکی رولونا گؤره فخری دوکتور آدینا لایق گؤرولوب.
بوراداکی مراسیمده چیخیش ائدن بورئل، ایسرائیلین غزهیه هوجوملارینا ایشاره ائدهرک، بونو "اوشاقلارا و اونلارین گلجهیینه قارشی ساواش" اولاراق گؤروب.
"فیلیسطینده، خوصوصا ده غزهده وضعیت فاجیعهنی گؤستریر کی، قوربانلارین اکثریتی اوشاقلاردیر" دئین بورئل خاطیرلادیب کی، هر گون اونلارلا اوشاق اولوسلار آراسی اینسان حاقلارینین آچیق شکیلده پوزولماسی نتیجهسینده اؤلدورولور.
باریشین تامین ائدیلمهسی اوچون غیرقانونی ایشغاللارا، قیرغینلارا و گوناهسیز اینسانلارا تطبیق ائدیلن آجلیق سیاستینه سون قویولمالی اولدوغونو بیلدیرن بورئل، هرطرفلی و غرضسیز آراشدیرمانین سون درجه واجیب اولدوغونو وورغولاییب.
جوزف بورئل گئتدیکجه قطبلشن دونیادا بؤلوجولوق ایله موباریزهیه و آنلاشما کؤرپولری قورماغا چاغیریب.
