هیندیستان‌دا هاوا چیرک‌لی‌لیگی تهلوکه‌لی سویه‌لره چاتیب

هیندیستانین پایتاختی یئنی دهلی‌ده هاوا چیرک‌لی‌لیگی دونیا ساغلیق تشکیلاتی‌نین گونلوک تهلوکه‌سیزلیک حدینی 50 دفعه آشا‌راق تهلوکه‌لی سویه‌لره چاتیب.

اوکتبردان ژانویه‌یه قدر داوام ائدن سویوق هاوا و دورغون کولک‌لر چیرکلندیریجی‌لرین هاوادا سیخیلیب قالماسینا سبب اولور.

PM2.5  (2.5 میکرومتردن کیچیک قطره مالیک اولان کیچیک ذره لر) سویه‌سی هر متر مکعب اوچون 806 میکروقرام اولا‌راق اؤلچولوب.

تاریم  توللانتی‌لاری‌نین یاندیریلماسی، صنایع و نقلیات گازلارینین یاییلماسی چیرکلیلیگین اساس سبب‌لری آراسیندا یئر آلارکن یئنی دهلی‌ده‌کی زیبیل یاندیرما موسسه‌لریندن یاییلان زهرلی گازلار دا مهم تهلوکه یارا‌دیر. هاوا چیرک‌لی‌لیگی ساغلام‌لیق پروبلئم‌لرینه سبب اولا‌راق خصوصیله اوشاق‌لار و یاش‌لی‌لار اوچون ریسک یارا‌دیر. اؤتن ایل هیندیستاندا 1،67 میلیون ارکن اؤلوم قئیده آلینیب.

حکومتین گؤردوگو تدبیرلر کیفایت ائتمیر و هاوا چیرک‌لی‌لیگی ایله موباریزه اوچون تکلیف اولونان حل‌لر موقتی اولا‌راق قیمتلندیریلیر.