بین الخلق آتوم انرژیسی آژانسی‌نین باش دیرئکتورو رافائل گروسی‌نین ایران سفری

بین الخلق آتوم انرژیسی آژانسی‌نین باش دیرئکتورو رافائل گروسی ایران رسمیلری ایله گؤروشمک و اؤلکه‌نین نۆوه پروقرامی ایله باغلی مصلحتلشملر آپارماق اۆچون تهرانا سفر ائدیب.

گروسی سوسیال شبکه‌لرده درج ائتدیگی یازیدا تهرانا سفرینی و ایرانین خاریجی ایشلر ناظیری عباس عراقچی ایله گؤروشدویونو آچیقلاییب.

”ایرنا» خبر آژانسی‌نین معلوماتینا گؤره، بین الخلق آتوم انرژیسی آژانسی‌نین باش دیرئکتورو چارشنبه گۆنو آخشام، نویابرین ۲۳-ده ایرانین یۆکسک وظیفه‌لی شخصلری ایله دانیشیقلار آپارماق اۆچون بیر نماینده هیئتینین باشیندا تهرانا گلیب.

بو سفر زامانی گروسی پرئزیدئنت مسعود پزشکیان و ایرانین آتوم انرژیسی تشکیلاتینین رهبری محمد اسلامی ایله‌ده گؤروشه‌جک و مطبوعات کونفرانسیندا ایشتیراک ائده‌جک.