سودان‌دا وبا اپیدمیسیندن اؤلن‌لرین سایی آرتماقدا داوام ائدیر

سودان‌دا وبا اپیدمیسی سببیندن حیاتینی ایتیرن‌لرین سایی 979-آ یوکسلیب. سودان ساغلیق ناظیرلیگی‌نین یایدیغی بیاناتدا اؤلکه‌ده وبایا یولوخان‌لارین سایی‌نین 34108-ا یوکسلدیگی بیلدیریلیب.

آچیقلامادا وبا سببیندن اؤلن‌لرین سایی‌نین 979-آ یوکسلدیگی قئید اولونوب. ژوئن آییندان بری اؤلکه‌ده یاغان آرام‌سیز یاغیش‌لارین سبب اولدوغو داشقین‌لار وبا خسته‌لیگی‌نین یاییلماسینا شرایط یارادیب. سودان حاکمیتی آوقوستون 12-ده وبا خسته‌لیگینی اپیدمی اعلان ائدیب.

بیرلشمیش میللت‌لر تشکیلاتی‌نین اینسانی مسئله‌لرین علاقه‌لندیریلمه‌سی اوفیسی اوکتبرین 1-ده 3،4 میلیون سودان‌لی اوشاغین اپیدمی ریسکی ایله اوز-اوزه اولدوغونو آچیقلاییب.

بیرلشمیش میللت‌لر تشکیلاتی‌نین اوشاق فوندونون (یونیسف) اوکتبرین 5-ده یایدیغی بیاناتدا سودانا 1،4 میلیون دوز وبا علیهینه واکسن‌ین گؤندردیگینی بیلدیریلیب.

محاربه‌نین داوام ائتمه‌سی و ساغلیق سیستمی‌نین غیری-ثمره‌لی ایشلمه‌سی، اپیدمی خسته‌لیک‌لرین یاییلماسینا شرایط یارا‌دیر. بو وضعیت، سوداندا یاشایان اینسان‌لارین حیاتینا منفی تأثیر ائدیر.