لوید آستین و روستم عمروو آراسیندا تلفون دانیشیغی اولوب

امریکانین ساوونما ناظیری لوید آستین و اوکراینانین ساوونما ناظیری روستم عمروو آراسیندا تلفون دانیشیغی اولوب.

امریکا ساوونما ناظیرلیگیندن وئریلن آچیقلامایا گؤره، تلفون دانیشیغی زامانی امریکانین اوکراینایا وئردیگی دستک موذاکیره ائدیلیب. لوید آستین جو بایدن رهبرلیگی‌نین اوکراینایا ساوونما یاردیمینی آرتیرماق عهده ‌لیگینی بیر داها وورغولاییب.

بوندان علاوه، طرف‌لر قوزئی کره عسگرلری‌نین روسیا سیرا‌لاریندا اوکراینایا قارشی موباریزه آپارماسی مسئله‌سینی ده قیمتلندیریب‌لر.