آلمانیا اوچاغی هاوا بورولغانینا دوشوب، خسارت آلان‌لار وار

آلمانیانین هاوا یولو شیرکتی لوفت هانزانین بوئنوس آیرس‌دن فرانکفورت ایستیقامتینده اوچان اوچاغی گوجلو بورولغان (تربولانس) وضعیتینه دوشدوگو اوچون 11 نفر خسارت آلیب.

مطبوعاتدا یاییلان معلومات‌لارا گؤره، 39 یولچوسو اولان DLH511 اوچوش نؤمره‌لی " بوئینگ 747-8" اوچاغی آتلانتیک اوقیانوسو اوزرینده بورولغان وضعیتینه معروض قالیب. حادثه نتیجه‌سینده 6-سی خدمه، 5-ی یولچو اولماقلا 11 نفر یونگول یارالانیب.

اوچاق ائندیک‌دن سونرا یارا‌لی‌لار معالیجه آلتینا آلینیب.

لوفت هانزا رسمی‌لری ائتدیک‌لری آچیقلامادا گؤزلنیلمز حادثه‌یه باخمایا‌راق اوچوش تهلوکه‌سیزلیگینده هر هانسی بیر پروبلئمین یارانمادیغینی بیلدیریب‌لر.