گوتئرئش: دونیا ایقلیم مالییه‌سی ایله باغلی بورجونو اؤد‌مه‌لی‌دیر
گوتئرئش، "دونیا ایقلیم مالییه‌سی ایله باغلی بورجونو اؤد‌مه‌لی‌دیر، عکس حال‌دا بشریت بونون بدلینی اؤد‌یه‌جک. ایقلیم مالییه‌سی خئیرییه‌چی‌لیک دئییل، یاتیریمدیر. ایقلیمله موباریزه سئچیم دئییل، مسئولیت‌دیر" دئدی.
بیرلشمیش میللتلر تشکیلاتینین باش کاتیبی آنتونیو گوتئرئش، "دونیا ایقلیم مالییه‌سی ایله باغلی بورجونو اؤد‌مه‌لی‌دیر، عکس حال‌دا بشریت بونون بدلینی اؤد‌یه‌جک. ایقلیم مالییه‌سی خئیرییه‌چی‌لیک دئییل، یاتیریمدیر. ایقلیمله موباریزه سئچیم دئییل، مسئولیت‌دیر" دئدی.
گوتئرئش آذربایجانین پایتاختی باکی‌دا کئچیریلن بمت-نین ایقلیم دگیشیک‌لیگی اوزره چرچیوه آنلاشماسینین طرفلرینین 29-جو کونفرانسین‌دا دونیا لیدئرلرینین ایقلیم فعالیتی ایجلاسینین آچیلیشین‌دا چیخیش ائدیب.
گوتئرئش گلوبال ایستیلشمه‌نی 1.5 درجه ایله محدودلاش‌دیرماق مقصدینه چاتماق اوچون واختین دارالدیغینا دقت چکیب، "واخت بیزیم طرفیمیزده دئییل. قئید ائدیلن ان ایستی گون و آی ایله بو ایلین رئکوردلارین ان ایستی ایلی اولاجاغی دئمک اولار کی، دقیق‌دیر" دئدی.
طبیعی فلاکتلر نتیجه‌سین‌ده جمعیتلرین، آلت یاپیلارین و اوشاقلارین جیدی زیان گؤردویونو ایضاح ائد‌ن گوتئرئش: "بوتون بو فلاکتلر و داها چوخ شئی تئکنوژیک ایقلیم دگیشیک‌لیگی ایله گوجلندیریلیر و هئچ بیر اؤلکه بون‌دان معاف دئییل" دئدی.
گوتئرئش وورغولادی کی، پروبلئملره زنگینلر سبب اولور، ان یوکسک قیمتی ایسه یوخسوللار اؤدییر.
عالیملرین، فعاللارین و گنجلرین دگیشیک‌لیک طلب ائتدیگینه دیقت چکن گوتئرئش:
"اونلارین سسینی ائشیتمک لازیم‌دیر، سوس‌دورماق یوخ. کئچن ایل ایلک دفعه اولاراق شبکه‌لره و یئنیلنه بیلیر انرژییه سرمایه یاتیرما میقداری فوصیل یاناجاغا خرج‌لنن میقداری گئچدی. دئمک اولار کی، هر یئرده گونش و کولک یئنی الئکتریک انرژی‌سی اوره‌تیمینین ان اوجوز قایناغی‌دیر. فوصیل یاناجاقلار یاتیریملارین آرتیریلماسی جفنگیات‌دیر."
گوتئرئش ایضاح ائتدی کی، گلوبال ایستیلشمه 1.5 درجه ایله محدودلاشدیریلمالی‌دیر.
"بیز گلوبال ائمیسیونلاری هر ایل 9 فایز آزالتمالیییق. 2030-جو ایله قدر اونلار 2019-جو ایل سوییه‌سین‌دن 43 فایز آشاغی دوشمه‌لی‌دیر" دئدی.
