بئلاروس خاریجی ایشلر ناظیرلیگی: بئلاروس رسمی اولاراق بریکس‌ده طرفداش اولدو
بئلاروس خاریجی ایشلر ناظیرلیگی اؤلکه‌نین رسمی اولاراق «بریکس طرفداشی» اولدوغونو آچیقلاییب.
بئلاروس خاریجی ایشلر ناظیرلیگی اؤلکه‌نین رسمی اولاراق «بریکس طرفداشی» اولدوغونو آچیقلاییب.
ناظیرلیک‌دن وئریلن یازیلی آچیقلامادا بئلاروس پرئزیدئنتی آلئکساندر لوکاشئنکونون نویابرین 5-ده روسیا پرئزیدئنتی ولادیمیر پوتینه ایمضالادیغی مکتوب‌دا بئلاروسون بریکس-ه «طرفداش» کیمی قوشولماغا حاضیر اولدوغو بیلدیریلیب.
آچیقلامادا، بئلاروسون خاریجی ایشلر ناظیر ماکسیم ریژئنکوو مکتوبو روسیانین مینسک‌ده‌کی سفیری بوریس قریزلووو قبول ائدرکن چاتدیراراق، بیلدیریلیب: "یازیلی دعوته رسمی جواب عضو دؤولتلر طرفین‌دن قبول ائدیلن طرفداش ایستاتوسونون آلینماسی پروسه‌سینین مجبوری ائلئمئنتیدیر. بو آندان اعتباراً اؤلکه رسمی اولاراق بریکس طرفداشی حساب اولونور."
آچیقلامادا بئلاروس پرئزیدئنتی لوکاشئنکونون مکتوبونون مزمونو دا یئر آلیب.
لوکاشئنکو، بریکس یاراندیغی گون‌دن چوخطرف‌لی قارشی‌لیق‌لی فعالیتی داوام‌لی شکیل‌ده گوجلندیریب و چوخ قوطبلولویون تکجه سیموولو دئییل، هم ده سوتونلارین‌دان بیرینه چئوریلدیغینی وورغولایاراق، «تکجه عضو دؤولتلر دئییل، هم ده گلوبال اکثریت‌ده اولان اؤلکه‌لرین ساییسی گئتدیکجه بو بیرلیگه عدالت‌لی دونیا نیظامی اوچون اومید باغلاییر. قارشی‌لیق‌لی حؤرمت و برابرلیک روحو، مقصدلرینین جلب ائدیجی‌لیگی سارسیلماز منتیقله بریکس-ین گئنیشلنمه‌سینه گتیریب چیخاریر.»
لوکاشئنکو روسیانین پرئزیدئنت‌لیگی دؤورون‌ده بئلاروسون بریکس-ده بیرگه ایشتیراکینین رسمیلشدیریلمه‌سین‌دن ممنون‌لوغونو ایفاده ائدیب.
ناظیرلیک بیان ائدیب کی، بئلاروس بونونلا دا بریکس-ین لازیمی ایستاندارت و معیارلارینا اویغونلوغونو تصدیقله‌ییب و بریکس طرفداش اؤلکه‌لری مودئلینین یول گؤستریجی پرینسیپلرینه عمل ائتمه‌یه راضیلاشیب.
