برزیل لیدئری لولا: مادورو ونزوئلانین پروبلئمی‌دیر، بیزیم یوخ
برزیل پرئزیدئنتی لوئیز ایناسیو لولا دا سیلوا ونزوئلا پرئزیدئنتی نیکولاس مادورو ایله باغلی آچیقلامالاریندا،«مادورو ونزوئلانین پروبلئمی‌دیر، بیزیم یوخ» دئدی.
برزیل پرئزیدئنتی لوئیز ایناسیو لولا دا سیلوا ونزوئلا پرئزیدئنتی نیکولاس مادورو ایله باغلی آچیقلامالاریندا،«مادورو ونزوئلانین پروبلئمی‌دیر، بیزیم یوخ» دئدی.
لولا دا سیلوا اؤلکه‌سین‌ده‌کی بیر تلویزیون کانالینا وئردیگی آچیقلامادا سون واختلار دیپلوماتیک گرگین‌لیک یاشادیقلاری قونشو ونزوئلا لیدئری مادورو ایله ماراقلانمادیقلارینی وورغولاییب.
برزیل پرئزیدئنتی لولا دا سیلوا
"باشقا اؤلکه‌لر و لیدئرلرله گرگین‌لیک یاراندیق‌دا، موناسیبتلریمیزده چوخ دیقت‌لی اولمالیییق. منجه، مادورو بیزیم دئییل، ونزوئلانین پروبلئمی‌دیر. من ناراحات اولماغا داوام ائده بیلمر‌م. بیر گون نیکاراگوا، بیر گون ونزوئلا و یا باشقا بیر اؤلکه ایله موباحیثه ائدیریک. منیم بیر اؤلکه‌یه بورجوم وار، او دا برزیلدیر. دوغرو ایستیقامت‌ده حرکت ائتمه‌سینی تامین ائتمک دیر" دئدی.
ونزوئلا خالقینین ریفاهینی آرزولادیقلارینی بیل‌دیر‌ن لولا دا سیلوا هئچ بیر اؤلکه ایله پروبلئملی سیاست یوروتمک ایستمدیکلرینی ده علاوه ائدیب.
ایولون 28-ده ونزوئلادا کئچیریلن پرئزیدئنت سئچکیلرین‌ده مادورو غالیب گلدیک‌دن سونرا برزیل نتیجه‌لره «شوبهه ایله» یاناشاراق سئچکی پروتوکوللارینین آچیقلانماسینی طلب ائدیب کی، بو دا ایکی قونشو اؤلکه آراسین‌دا دیپلوماتیک گرگین‌لیگه سبب اولوب.
