دونیادا غزه‌یه دستک نوماییشلری داوام ائدیر
دونیا ایسراییلین غزهده تؤرتدیگی قیرغین‌لارا سس‌سیز قالمیر، اعتراضلار داوام ائدیر.
دونیا ایسراییلین غزهده تؤرتدیگی قیرغین‌لارا سس‌سیز قالمیر، اعتراضلار داوام ائدیر.
فرانسانین پایتاختی پاریس‌ده بیر ایلدن چوخدور ایسراییلین هوجوم‌لارینا معروض قالان غزه و لبنانا دستک نوماییشی کئچیریلیب.
جمهوریت میدانینا توپ‌لاشان نوماییشچی‌لر باستیل میدانینا دوغرو یوروش ائدیب‌لر.
اعتیراضچی‌لار، ایسراییلین غزه‌ده‌کی هورجوم لارینا و قیرغین‌لارینا سون قویولماسینی طلب ائده‌رک، "ایسراییل، دونیادا اوشاق اؤلومه‌لری‌نین اساس سببی‌دیر" یازیلی پلاکات‌لار گؤتورودولر.
نوماییشچی‌لر اؤلکه‌لردن تل آویو حکومتینه قارشی تحریم لر تطبیق ائتمگی طلب ائدیب و ایسراییلی دستکله‌ین شیرکت‌لری بویکوت ائتمه‌یه چاغیریب‌لار.
سوئد ده مین‌لرله نوماییشچی غزه و لوبنانا دستک اوچون استکهلم دا بیر آرایا گلیب.
فیلیسطین بایراق‌لاری و ایسراییلی قینایان پلاکات‌لار داشییان نوماییشچی‌لر عاجیل آتیشکس و اینسانی یاردیم چاغیریشی ائتدی‌لر.
ایرلندین پایتاختی دوبلین‌ده مین‌لرله اینسانین ایشتیراکی ایله فیلیسطینه دستک اوچون میللی یوروش کئچیریلیب.
یوروش زامانی فیلیسطین خالقینا دستک مئساژلاری وئریلیب، غزهده اینسانی بحرانا سون قویولماسی و عدالت چاغیریش‌لاری تکرارلانیب، ایرلند حکومتینه داها گوجلو هم رای‌لیک چاغیریشی ائدیلیب.
یوروشده ایشتیراک ائدن‌لر ایسراییلین هوجوم‌لاریندا اؤلدورولن فیلیسطین‌لی کؤرپه‌لری تمثیل ائدن آغ پارچا‌لارا بوکولموش کؤرپه فیقورلاری داشییارا‌راق ایتیریلمیش معصوم جان‌لارا دقت چکدی‌لر.
گونئی افریقا جمهوریتی‌نین پرتوریا شهرینده ایسراییل سفیرلیگی قارشی‌سیندا اونلارلا اینسان توپلاشیب.
ایسراییلین فیلیسطینه و لبنانا هوجوم‌لارینا اعتراض ائدیلیب.
نوماییشچی‌لر ایسراییل ایله بوتون دیپلوماتیک و اقتصادی علاقه‌لرین کسیلمه‌سینی و ایسراییل سفیرلیگی‌نین باغلانماسینی طلب ائدیب‌لر.
ایلگیلی‌لی خبرلر
نامیبیا تاریخینده ایلک قادین پرزیدنتینی سئچدی
نامیبیادا کئچیریلن سئچکی‌لرده ناندی ندایتوا سس‌لرین 57،6 فایزینی قازاندی.
