ناتو، روسیه و قوزئی کوره لیدئرلرینین اوکراین قرارلارینی قینادیغینی بیان ائدیب
ناتو روسیه و قوزئی کوره لیدئرلرینین اوکراین‌دا ساواش‌ین گئنیشله‌نمه‌سینه سبب اولاجاق قرارلارینی قینادیغینی بیان ائدیب.
ناتو روسیه و قوزئی کوره لیدئرلرینین اوکراین‌دا ساواش‌ین گئنیشله‌نمه‌سینه سبب اولاجاق قرارلارینی قینادیغینی بیان ائدیب.
ناتونون وئردیگی یازی‌لی آچیقلامادا،
"قوزئی کوره‌نین میلیونلارلا فشنگ و بالیستیک راکئتله روسیه‌نین ساواش تلاشلارینا اونسوز دا اهمیت‌لی دستگینه علاوه اولاراق، قوزئی کوره طرفین‌دن یئرلش‌دیریلن مینلرله ساواش قوشونو روسیانین اوکراین‌داکی ساواشینا داوام ائد‌ن دستگینین تهلوکه‌لی گئنیشله‌نمه‌سینی تشکیل ائدیر" دئییلیر.
آچیقلامادا روسیه ایله قوزئی کوره آراسیندا درینلشن نیظامی امکداشلیغین آورو-آتلانتیک تهلوکه‌سیزلیگه درین‌دن تأثیر ائتدیگی و آسیا-ساکیت اوقیانوس اوچون فسادلار دوغوردوغو بیلدیریلیب و بو امکداشلیغین بیردن چوخ بیرلشمیش میللتلر تشکیلاتینین تهلوکه‌سیزلیک شوراسینین قطنامه‌سینین پوزولماسی اولدوغو وورغولانیب.
آچیقلامادا دئییلیر: "روسیه‌نین بیرلشمیش میللتلر تشکیلاتی تهلوکه‌سیزلیک شوراسینین دایمی عضوو ایستاتوسونو نظره آلساق، بو، خصوصیله آغیر وضعیت‌دیر. بیز روسیانی بو قطنامه‌لره عمل ائتمه‌یه و بین الخالق مسئولیتلرینی یئرینه یئتیرمه‌یه قاییتماغا چاغیریریق."
آچیقلامادا، روسیه‌نین 26 سپتامبردا قوزئی کوره‌نین نوکلئر ترک سیلاحینین "ماسادان کناردا" اولدوغونو ادعا ائد‌ن بیاناتینین قبول ائدیلمز اولدوغو و بو وضعیتین قلوبال نوکلئر ترک سیلاح رئژیمینی ضعیفلتدیگی، بیرباشا ایلگیلی بیرلشمیش میللتلر تشکیلاتینین تهلوکه‌سیزلیک شورانین قطنامه‌لری ایله ضدیت تشکیل ائتدیگی و بؤلگه‌سل گرگین‌لیگی داها دا آرتیردی وورغولانیب.
آچیقلامادا بوتون اؤلکه‌لری روسیه‌نین تجاووزونه هئچ بیر کؤمک‌لیک گؤسترمه‌مه‌یه چاغیریب و علاوه ائدیلیب: "روسیه‌نین اوکراینا قارشی غیری-قانونی ساواشینا شرایط یارادان و بونا گؤره ده اونو اوزادان هر کسی قیناییریق"ایفاده‌سی ایشلدیلیب.
آچیقلامادا وورغولانیب کی، ناتو هر زامان اولدوغو کیمی اوکراینا غالیب گلمه‌سی اوچون لازیم اولان مدت‌ده دستک وئرمک‌ده قرارلی‌دیر.
