ولادیمیر پوتین دونالد ترامپین پرزیدنت سئچیلمه‌سی ایله علاقه‌لی دانیشیب
روسیا فدراسیونونون پرزیدنتی ولادیمیر پوتین امریکانین 47-جی پرزیدنتی سئچیلن دونالد ترامپی تبریک ائده‌رک اونونلا دانیشماغا حاضیر اولدوغونو بیلدیریب.
روسیا فدراسیونونون پرزیدنتی ولادیمیر پوتین امریکانین 47-جی پرزیدنتی سئچیلن دونالد ترامپی تبریک ائده‌رک اونونلا دانیشماغا حاضیر اولدوغونو بیلدیریب. او، روسیانین سوچی شهرینده کئچیریلن اولوسلار آراسی والدای دارتیشما کلوبونون توپلانتی‌سیندا چیخیش ائدیب.
ترامپا قارشی تشکیل اولونان سوء-قصد جهدی زامانی اونون گؤستردیگی داورانیش‌دان تاثیرلندیگینی قئید ائدن پوتین "بوندان تاثیرلندیم. اونون جسور بیر اینسان اولدوغو اورتایا چیخدی" دئییب. پرزیدنت ترامپین سون دؤورونو کئچیرجگینی و نه لرین باش وئرجگینی بیلمه‌دیگینی ایفاده ائده‌رک "ترامپ طرفیندن روسیا ایله علاقه‌لری یئنی‌دن قورماق، اوکراینا بحرانی‌نین سونا چاتماسینا تحفه وئرمک ایستیی ایله باغلی بعضی شئی‌لر ایفاده اولوندو. منجه بو، ان آزیندان دقته لاییق‌دیر" ایفاده‌سینی ایشلدیب.
ولادیمیر پوتین روسیانین امریکا خالقین اعتیمادی ایله سئچیلن دؤولت باشچی‌سی ایله ایشله‌یه‌جگینی داها اول ده بیلدیردیگینی وورغولایا‌راق "حقیقتن ده بئله اولا‌جاق. بو فورصت‌دن ایستیفاده ائده‌رک اونو امریکا پرزیدنتی سئچیلمه‌سی موناسیبتیله تبریک ائتمک ایستییرم. اگر کیمسه علاقه‌لری داوام ائتدیرمک ایستییرسه، بونا قارشی دئییلییک" دئیه بیلدیریب.
او، "ترامپ ایله دانیشماغا حاضیرسینیزمی؟” سوالینا "حاضیرام، حاضیرام" جاوابینی وئریب.
