روسیه: اوکراین‌دا ۶ یاشاییش منطقه‌سینی اله گئچیردیک
روسیه مودافیعه ناظیرلیگی سون بیر هفته‌ده اوکراین‌دا ۶، خارکوو ویلایتینده ۱ و دونئتسک ویلایتینده ۵ یاشاییش منطقه‌سینین روسیه اوردوسونون کنترلونا گئچدیغینی بیلدیریب
روسیه مودافیعه ناظیرلیگی سون بیر هفته‌ده اوکراین‌دا ۶، خارکوو ویلایتینده ۱ و دونئتسک ویلایتینده ۵ یاشاییش منطقه‌سینین روسیه اوردوسونون کنترلونا گئچدیغینی بیلدیریب.
ناظیرلیکدن وئریلن آچیقلامادا ۲-۸ نوامبر تاریخلری آراسیندا روسیه-اوکراین ساواشیندا روسیه اوردوسونون فعالیتی ایله باغلی بیلگی وئریلیب.
آچیقلامادا اوکراین‌داکی حربی عونصورلره یوکسک دقیقلیکلی سیلاحلار و پیلوتسوز اوچوش آپاراتلاری (ایها) ایله هوجوملارین حیاتا گئچیریلدیگی و بو هوجوملار نتیجه‌سینده اوکراین‌ین عسگری صنایع موسیسه‌لری، انئرژی الئمنتلری، حربی هاوا لیمانی آلت‌یاپیسی، ایها و اینسانسیز دنیز واسیطه‌سی ایستئحصال و ساخلاما آتلیه‌لرینه سیلاح، تجهیزات و یاناجاق آنبارلارینین وورولدوغو ایفاده ائدیلدی.
آچیقلامادا اوکراین‌دا ۶ یاشاییش منطقه‌سینین اله گئچیریلدیغی پایلاشیلیب.
آچیقلامادا، "خارکوو ویلایتینده پئرشوتراونئوویه قصبه‌سی، دونئتسک خالق جمهوریتینین ویشنئووه، آنتونووکا، ماکسیمووکا، کرئمئننایا بالکا و کوراهووکا قصبه‌لری آزاد ائدیلیب" دئییلدی.
آچیقلامادا عینی تاریخلرده ۴۷ اوکراین عسگرینین اسیر گؤتورولدویو، ساواشین باشیندان بو یانا ۶۴۸ اوچاق، ۲۸۳ هلیکوپتئر، ۳۵ مین ۴۰۹ ایها، ۵۸۵ هاوا هوجوموندان مودافیعه راکئت سیستئمی، ۱۹ مین ۱۴۱ تانک و زیرئهلی ماشین، ۱۴۸۶ چوخ‌لوله‌لی رئاکتیو یایلیم آتشی قورغوسو، ۱۷ مین ۴۸۸ اوبوس و هاوان توپو، ۲۸ مین ۱۰۰ خوصوصی حربی ماشینین محو ائدیلدییگی قید ائدیلدی.
آچیقلامادا اوکراین اوردوسونون آقوستون ۶-دان بو یانا کورسک ایستقیامتینده ۳۰ مین ۵۰۰ عسگر، ۱۸۹ تانک، ۱۲۱ پیادا دؤیوش ماشینی، ۱۰۷ زیرئهلی پرسنل ماشینی و ۱۰۹۴ زیرئهلی ماشین ایتیردیگی بیلدیریلیب.
ایلگیلی‌لی خبرلر
آمریکادان ایرانا "سوریه" چاغریسی
آمریکا "بیز ایرانین سوریه‌ده ثابت‌لیگی پوزان حرکتلرینی دایاندیرماسینی ایستییریک" آچیقلاماسینی وئردی.
