گونئی کره‌دن بالیستیک راکئت ایله مانور
گونئی کره، قوزئی کره‌نین راکئت سیناقلارینا قارشی حیاتا گئچیردیگی مانور چرچیوه‌سینده ساری دنیزه دوغرو بالیستیک راکئت آتیب
گونئی کره، قوزئی کره‌نین راکئت سیناقلارینا قارشی حیاتا گئچیردیگی مانور چرچیوه‌سینده ساری دنیزه دوغرو بالیستیک راکئت آتیب.
یونهاپ خبرینه گؤره، گونئی کره باش‌قرارگاهی، قوزئی کره‌نین سون راکئت آتما سیناقلارینا قارشی گئچیریلن تعلیم ایله باغلی آچیقلاما وئریب.
آچیقلامادا، بیلدیریلیب کی، «هیونموو-۲» یئر-یئر تیپلی بالیستیک راکئتلرین تطبیق اولوندوغو جانلی مانور، باشکند سئول‌دان ۱۰۸ کیلومئتر گونئی-باتیدا، تائان بؤلگه‌سی یاخینلیغینداکی ساری دنیزده گئچیریلیب.
آچیقلامادا وورغولانیر کی، گونئی کره اوردوسو قوزئی کره‌نین تخریباتلارینا "ازیجی اوستونلوکله" جاواب وئرمه‌یه حاضیردیر.
آچیقلامادا، "بو جانلی تعلیم واسیطه‌سی ایله حربچیلریمیز قوزئی کره‌نین ایستنیلن تخریباتینا جاواب وئرمک عزمینده اولدوغونو و دوشمنین تخریبات قایناغینا دقیق ضربه‌لر ائندیرمک ایمکانلارینی و دوروشونو نوماییش ائتدیردی" دئییلدی.
گونئی کره، قوزئی کره‌نین نوامبرین ۵-ده ژاپن دنیزینه (شرق دنیزی) دوغرو چوخ‌سایلی قیسا منزیللی بالیستیک راکئتلر بوراخدیغینی بیلدیریب.
اکتبرون ۳۱-ده قوزئی کره ایندی‌یه‌دک آتدیغی راکئتلر آراسیندا "ان اوزون اوچوش مدتینه" مالیک حئساب ائدیلن "یئنی تیپلی هواسونگ-۱۹" قیتلرآراسی بالیستیک راکئتی ژاپن دنیزینه آتیب.
