ایسپانیاداکی سئل فلاکتین‌ده ۸۹ نفر هله ده ایتکین ساییلیر
اوکتیابرین ۲۹-دا ایسپانیادا باش وئر‌ن و اؤلکه‌نین شرق و جنوب بؤلگه‌لرینی، خصوصیله ده والئنسیانی تأثیر ائد‌ن سئل فلاکتین‌ده ۸۹ نفر هله ده ایتکین ساییلیر.
اوکتبرین ۲۹-دا ایسپانیادا باش وئر‌ن و اؤلکه‌نین شرق و جنوب بؤلگه‌لرینی، خصوصیله ده والئنسیانی تأثیر ائد‌ن سئل فلاکتین‌ده ۸۹ نفر هله ده ایتکین ساییلیر.
ایسپانیانین رسمی خبر آژانسی افه معلومات اینتئگراسیون مرکزینه (جید) ایستینادن داشقین‌دان بیر هفته سونرا ایلک دفعه رسمی ایتکیلرین ساییسینی آچیقلاییب.
بونا اویغون اولاراق، رسمی قئیدلرده هله ده ۸۹ نفر ایتکین دوشدویو حال‌دا، بو رقمین حل ائدیجی اولمادیغی و قئید اولونمایان و یا عمومیتله قئیده آلینمایان ایتکینلرین اولا بیله‌جگی بیلدیریلیر.
بو آرادا والئنسیادا ۲۱۳، کاستیلیا-لا مانچادا ۴ و اندلوسده ۱ اولماقلا، ان آزی ۲۱۸ نفرین حیاتینی ایتیردیگی داشقین فلاکتینین باش وئردیگی بؤلگه‌لرده آختارما- قورتارما، ائل‌جه ده شخصیتی مویینلش‌دیرمه ایشلری داوام ائدیر.
داشقین‌دان ضرر چکمیش اراضیلرده تالان و اوغورلوق حادثه‌لری داوام ائدیر.
میللی پولیس و ژاندارما معلوماتلارینا گؤره، قارت و یا اوغورلوغا گؤره ۱۸۶ نفر توتوخلانیلیب، اونلاردان ۸۷-سی حبس ائدیلیب.
