ساندو 55،33 فایز سسله غالیب گلیب
مولداوی‌نین حاضیرکی پرزیدنتی مایا ساندو 55،33 فایز سسله غالیب گلیب.
مولداوی مرکزی سئچکی کمیسیونو اؤلکه‌ده کئچیریلن پرزیدنت سئچکی‌لری‌نین ایکینجی توروندا رای لرین 100 فایزی‌نین حسابلانماسیندان سونراکی نتیجه‌لری آچیقلاییب.
مولداوی‌نین حاضیرکی پرزیدنتی مایا ساندو 55،33 فایز سسله غالیب گلیب.
اونون رقیبی، اؤلکه‌نین کئچمیش باش ساووجیسی الکساندر استویانوگلو ایسه 44،67 فایز سس توپلاییب.
قئید ائدک کی، داها اول آچیق‌لانان معلوماتدا مایا ساندونون 55،04، الکساندر استویانوگلونون ایسه 44،96 فایز سس توپلادیغی بیلدیریلیردی.
مولداوی‌ده کئچیریلن سئچکی‌لرده 1 میلیون 679 مین 293 سئچیجی ایشتیراک ائدیب. سئچکیده ایشتیراک سویه‌سی 54،31 فایز اولوب.
موخالیفتین سوسیالیست‌لر پارتیاسی‌نین نامیزدی الکساندر استویانوگلو مغلوبیتینی اعتراف ائده‌رک، وئردیک‌لری دستکه‌یه گؤره طرفدارلارینا تشککور ائدیب.
مایا ساندو مولداوی داخیلینده کئچیریلن سئچکی‌لرده 48،81 فایز، الکساندر استویانوگلو ایسه 51،19 فایز سس توپلاییب. موخالیفتین تمثیلچی‌سی قاقاوز موختاریتینده 97 فایز، ترانسنیستر بؤلگه‌ده ایسه تخمینن 80 فایزه یاخین سس توپلاییب.
اؤلکه‌نین حاضیرکی پرزیدنتی رقیبینه خاریجی اؤلکه‌لرده کئچیریلن سسوئرمه سایه‌سینده غالیب گلیب. خاریجده یاشایان و سئچکی‌لرده ایشتیراک ائدن 328 مین 877 مولداوی‌لی عمومی سئچیجی‌لرین 20 فایزیندن چوخونو تشکیل ائدیر و اونلارین 270 میندن چوخو (83 فایزی) مایا ساندویا سس وئریب.
ایلگیلی‌لی خبرلر
آمریکادان ایرانا "سوریه" چاغریسی
آمریکا "بیز ایرانین سوریه‌ده ثابت‌لیگی پوزان حرکتلرینی دایاندیرماسینی ایستییریک" آچیقلاماسینی وئردی.
