پنتاگون: ایران، ایسرائیل‌ین هوجوملارینا جاواب وئرمه‌مه‌لی
پنتاگون سؤزچوسو ژنرال پت ریدر، مطبوعات کونفرانسیندا، ایران ایله ایسرائیل آراسینداکی آرتان گرگینلیگه باغلی شرحلر وئردی
آمریکا بیرلشمیش دؤولتلری مدافعه ناظیرلیگی (پنتاگون)، ایرانین، ایسرائیل‌ین هوجوملارینا "جاواب وئرمه‌مه‌سی" لازیم اولدوغونو بیلدیردی.
پنتاگون سؤزچوسو ژنرال پت ریدر، مطبوعات کونفرانسیندا، ایران ایله ایسرائیل آراسینداکی آرتان گرگینلیگه باغلی شرحلر وئردی.
ریدر، ایرانین قارشیلیق وئره‌جگی مؤوضوعو‌دا بیر ادعا دیله گتیرمه‌یه‌جگینی ایفاده ائد‌رک،
"آمریکا حکومتی اولاراق، ایرانین، ایسرائیل‌ین هوجوملارینا جاواب وئرمه‌مه‌سی لازیم اولدوغو مؤوضوعوندا اولدوقجا دقیق اولدوغوموزو دوشونوره‌م. اگر جاواب وئرمه‌یی سئچسه‌لر، طبیعی کی ایسرائیل‌ی و ایسرائیل مدافعه‌سینی دستکله‌یه‌جییک" دئیه دانیشدی.
آمریکانین ایر‌لیله‌یه‌ن آیلاردا اورتا شرق‌ه علاوه عسگری گوج یئرلشدیره‌جگینه ایشاره ائد‌ن ریدر، ب-۵۲ بومباردمان طیاره‌لرینین بؤلگه‌یه گؤندریلدیگینی وورغولادی.
پت ریدر، بو عسگری گوجلرین آمریکانین بؤلگه‌ده‌کی گوجلرینی قوروماق و ایسرائیل‌ی مدافعه ائتمک مقصدی ایله گؤندریله‌جگینی ایفاده ائد‌رک، "ایسرائیل‌ین مدافعه‌سینی دستکله‌مک اوچون حاضیریق و ایرانین هر هانسی بیر قارشی هوجومو ائتمه‌مه‌سینی آرزو ائدیریک" دئدی.
پنتاگون، ۲ نوامبردا، آمریکانین بؤلگه‌ده‌کی گوجلرینی قوروماق، ایسرائیل‌ی مدافعه ائتمک مقصدی ایله بؤلگه‌ده علاوه بالیستیک مرمی مدافعه ائتمه گمیلری، ساواش و تانکر طیاره‌لری دونانماسی ایله آمریکا هاوا قوه‌لرینه عاید ب-۵۲ اوزون منزیللی هوجوم بومباردمان طیاره‌لرینین گؤندریله‌جگینی آچیقلامیشدی.
پنتاگون، ۱۳ اکتبردا وئردیگی یازیلی شرحده ایسه ایران تهدیدینه قارشی ایسرائیل‌ه تاد (ترمینال یوکسک ایرتیفاع ساحه مدافعه‌سی) سیستمی ایله بونو ایشله‌ده‌جک ۱۰۰ دولاییندا عسگری پرسنلین گؤندریله‌جگینی بیلدیرمیشدی.
ایلگیلی‌لی خبرلر
آمریکادان ایرانا "سوریه" چاغریسی
آمریکا "بیز ایرانین سوریه‌ده ثابت‌لیگی پوزان حرکتلرینی دایاندیرماسینی ایستییریک" آچیقلاماسینی وئردی.
