اندونزی‌ده وولکان پوسکورمه‌سی نتیجه‌سینده 10 نفر هلاک اولدو
اندونزی‌نین فلورس آداسیندا لوتوبی لاکی لاکی وولکانی‌نین پوسکورمه‌سی نتیجه‌سینده 10 نفر حیاتینی ایتیردی، بیر نفر ایتکین دوشدو.
اندونزی‌نین فلورس آداسیندا باش وئرن وولکانیک پوسکورمه نتیجه‌سینده ایلکین معلومات‌لارا گؤره 10 نفر حیاتینی ایتیریب.
اندونزی فلاکت‌لرین ایداره اولونماسی آژانسی‌نین معلوماتینا گؤره، اؤلکه‌نین اوزاق آدالاریندان اولان فلورس‌‌ده یئرلشن لوتوبی لاکی لاکی داغیندا وولکان پوسکورمه‌سی باش وئریب. پوسکورمه‌دن سونرا لاو آخینتی‌لاری‌نین چاتدیغی بیر کندده، ماناستیر(صومعه) دا داخیل اولماقلا بیر نئچه ائو یانیب.
رسمی‌لر، بیر راهیبه‌نین ده داخیل اولدوغو 10 نفرین حیاتینی ایتیردیگینی و بیر نفرین ایتکین اولدوغونو بیلدیریب. بؤلگه‌ده کئچن هفته‌دن بری بیر سیرا پوسکورمه‌لر داوام ائدرکن، رسمی‌لر لوتوبی لاکی لاکی داغی اوچون خبردارلیق وضعیتینی ان یوکسک سویه‌یه قالدیریب‌لار.
وولکان کئچن هفته‌دن هر گون هاوایا ایکی مین متره قدر قالین قهویی کول پوسکورور.
"ساکیت اوقیانوس آتش چمبری" زلز‌له و وولکان قورشاغیندا اولان اندونزی‌ده 130 آکتیو وولکان وار.
ایلگیلی‌لی خبرلر
آمریکادان ایرانا "سوریه" چاغریسی
آمریکا "بیز ایرانین سوریه‌ده ثابت‌لیگی پوزان حرکتلرینی دایاندیرماسینی ایستییریک" آچیقلاماسینی وئردی.
