نیجریهده اوردو قوهلری گئنیش میقیاسلی عملیاتلار کئچیردیب
نیجریهده ترور تشکیلاتلاری بوکو حرام و داعشین باتی افریقا قولو“ISWAP”آ قارشی کئچیریلن عملیاتلاردا 187 ترورچو و دسته عضوو ضررسیزلشدیریلیب.

نیجریهده ترور تشکیلاتلاری بوکو حرام و داعشین باتی افریقا قولو“ISWAP”آ قارشی کئچیریلن عملیاتلاردا 187 ترورچو و دسته عضوو ضررسیزلشدیریلیب.
نیجریه سلاحلی قوهلرینین رسمی نومایندهسی ژنرال ادوارد بوبا تهلوکهسیزلیک قوهلرینین کئچن هفته اؤلکهنین موختلیف بؤلگهلرینده ترور تشکیلاتلارینا قارشی عملیاتلار کئچیردیگینی بیلدیریب. او، عملیاتلاردا 187 نفرین ضررسیزلشدیریلدیگینی، 262 ترورچونون اله کئچیریلدیگینی دئییب. عملیاتلاردا گیروو گؤتورولن 147 نفرین ده خلاص ائدیلدیگی ایفاده ائدیلیب.
اوردونون نیجریهیه ثابتلیک و تهلوکهسیزلیک گتیرمک سعیلرینی قطعیت ایله داوام ائتدیرجگینی وورغولایان ا
دوارد بوبا "ترورچولارا یا تسلیم اولماق، یا دا عملیات ساحهسینده ضررسیزلشدیریلمکدن باشقا بیر سئچیم تقدیم ائدیلمیر" دئیه بیلدیریب.
نیجریهنین موختلیف بؤلگهلری اوزون مدتدیر کی، قولدورچو دستهلر، بوکو حرام و داعشین باتی افریقا قولو “ISWAP”ین هوجوملارینا معروض قالیر. اؤلکهده اؤلوم جزاسی اولماسینا باخمایاراق آدام قاچیرما حادثهلرینه تئز-تئز راست گلینیر. سلاحلی شخصلر عادتن اؤلکهنین شیمالیندا کندلری، مکتبلری و یولچولاری هدف آلیرلار.
ایلگیلیلی خبرلر

"بایدنین گیزلی معلومات الده ائتمهسی لازیم دئییل و اونون حافظهسی ده یاخشی دئییل"
آمئریکا پرئزیدئنتی ، Truth سوسیال مئدیا پلاتفورماسیندا "جو، سن قووولدون!" یازدی