آوروپا بیرلیگی و جنوبی کوره‌دن شیمالی کوره‌یه قیناما

آوروپا بیرلیگی و جنوبی کوره شیمالی کوره‌نین روسیایا قوشون گؤندرمه‌سینی کسکین شکیل‌ده قینا‌ییب.

یونهاپ-این معلوماتینا گؤره، جنوبی کوره ساوونما ناظیرلیگینین آچیقلاماسین‌دا بیلدیریلیر کی، آوروپا بیرلیگینین خاریجی ایشلر و تهلوکه‌سیزلیک سیاستی اوزره عالی نماینده‌سی جوزپ بورل اؤلکه‌نین پایتاختی سئول‌ا سفری چرچیوه‌سین‌ده ساوونما ناظیر کیم یونگ-هیون ایله گؤروشوب.

آچیقلامایا گؤره، گؤروشمه زامانی طرفلر اولوسلار آراسی ایجتیماعیتله کووردیناسیونلو شکیل‌ده روسیا و شیمالی کوره آراسین‌دا نیظامی امکداشلیغین قارشی‌سینی آلماق اوچون چوخ امکداش‌لیق ائتمک باره‌ده راضیلیغا گلیبلر.

بورل و کیم شیمالی کوره‌نین روسیایا قوشون گؤندرمه‌سین‌دن جیدی ناراحات اولدوقلارینی بیلدیریبلر و بونو قطعی شکیل‌ده قینا‌ییبلر.

آوروپانین و آتلانتیک‌ین تهلوکسیزلیگینین هیند-ساکیت اوقیانوس بؤلگه‌سینین تهلوکه‌سیزلیگی ایله باغلی اولدوغو فیکرینی بؤلوشن ایکی‌لی جنوبی کوره ایله آوروپا بیرلیگی آراسین‌دا تهلوکه‌سیزلیک ساحه‌سین‌ده امکداشلیغین گوجلندیریلمه‌سینی داوام ائتدیرمک باره‌ده راضیلیغا گلدیکلرینی بیلدیریبلر.

 روسیا پرئزیدئنتی ولادیمیر پوتین ایون آیین‌دا شیمالی کوره‌یه رسمی سفر ائدیب و طرفلر آراسین‌دا "هرطرف‌لی ایستراتئژیک طرفداش‌لیق سازیشی" ایمضالانیب.

اوکراینا پرئزیدئنتی ولادیمیر زلئنسکی اوکتیابرین ۲۵-ده وئردیگی آچیقلامادا روسیانین ۲۷-۲۸ اوکتیابر تاریخلرین‌ده شیمالی کوره عسگرلرینی ایلک ساواش بؤلگه‌لرینه یئرلشدیرجگینی اؤیرندیکلرینی آچیقلاییب.

آمریکا روسیادا تخمیناً ۱۰ مین شیمالی کوره عسگرینین اولدوغونو و اونلاردان ۸ مینینین اوکراینا سرحدی یاخینلیغین‌داکی کورسک بؤلگه‌سین‌ده یئرلشدیریلدیگینی آچیقلامیشدی.