آوروپا بیرلیگی و گونئی کره امکداشلیغی آرتیر
آوروپا بیرلیگی‌نین خاریجی ایشلر و تهلوکه‌سیزلیک سیاستی اوزره عالی نوماینده‌سی جوزف بورئل بیلدیریب کی، قوزئی کره‌نین روسیه‌یه قوشون گؤندرمه‌سی آوروپا بیرلیگی-گونئی کره امکداشلیغینین آرتیریلماسی ضرورتینی یارادیر
آوروپا بیرلیگی‌نین خاریجی ایشلر و تهلوکه‌سیزلیک سیاستی اوزره عالی نوماینده‌سی جوزف بورئل بیلدیریب کی، قوزئی کره‌نین روسیه‌یه قوشون گؤندرمه‌سی آوروپا بیرلیگی-گونئی کره امکداشلیغینین آرتیریلماسی ضرورتینی یارادیر.
بورئل گونئی کره‌نین باشکندی سئول‌دا گئچیریلن آوروپا بیرلیگی-گونئی کره استراتئژیک دیالوقو اؤنجه‌سی مطبوعاتا آچیقلاما وئریب.
آوروپا بیرلیگی-گونئی کره‌نین استراتئژیک طرفداش اولدوغونو خاطیرلادان بورئل، "بو یاریم‌آدادا و اوکراین‌دا باش وئرن حادیثه‌لر بیربیرین‌دن اوزاق اولسا دا، قوزئی کره قوشونلارینین روسیه‌ده یئرلشدیریلمه‌سی ده داخیل اولماقلا، بیربیری ایله باغلیدیر و بو، بیر داها عمومی تهلوکه‌سیزلیک گوندمیمیزین اهمیتینی تکرار ائدیر. قوزئی کره قوشونلارینین روسیه‌ده اولماسی بیزیم بیرگه ایشله‌مه‌یه ائحتیاجیمیزی آرتیریر" دئدی.
روسیه پرئزیدئنتی ولادیمیر پوتین جون آییندا قوزئی کره‌یه رسمی سفر ائدیب، طرفلر آراسیندا «هرطرفلی استراتئژیک طرفداشلیق سازیشی» ایمضالانیب.
اوکراین پرئزیدئنتی ولادیمیر زلئنسکی اکتبرون ۲۵-ده وئردیگی آچیقلامادا روسیه‌نین ۲۷-۲۸ اکتبر تاریخلرینده قوزئی کره عسگرلرینی ایلک دؤیوش بؤلگه‌لرینه یئرلشدیره‌جه‌یینی اؤیرندیکلرینی آچیقلاییب.
آمریکا روسیه‌ده تخمینا ۱۰ مین قوزئی کره عسگرینین اولدوغونو و اونلاردان ۸ مینینین اوکراین سرحدی یاخینلیغینداکی کورسک بؤلگهسینده یئرلشدیریلدیگینی آچیقلامیشدی.
