آمریکا یاخین شرقه علاوه نیظامی قوه‌لر گؤندره‌جک
آمریکا ساوونما ناظیرلیگی یاخین شرق‌ده ساواش و اوزاق منزیل‌لی سالدیری بومباردمان‌چیلاری دا داخیل اولماقلا علاوه نیظامی قوه‌لر یئرلشدیرجگینی آچیقلاییب.
آمریکا ساوونما ناظیرلیگی (پنتاگون) یاخین شرق‌ده ساواش و اوزاق منزیل‌لی سالدیری بومباردمان‌چیلاری دا داخیل اولماقلا علاوه نیظامی قوه‌لر یئرلشدیرجگینی آچیقلاییب.
پنتاگونون سؤزچوسو ژنرال پاتریک رایدئر یازی‌لی آچیقلاما وئریب.
آچیقلامادا آمریکانین بؤلگه‌ده‌کی قوه‌لرینی قوروماق، ایسرائیلی ساوونماق، "جایدیرما و دیپلوماسی یولو ایله گرگین‌لیگی آزالتماق" و اوزرینه گؤتوردویو مسئولیتلری یئرینه یئتیرمک اوچون بؤلگه‌یه علاوه بالیستیک راکئت علیهینه ساوونما سیستیملری، قیریجی و تانکئر اوچاق‌لاری فیلوسو و آمریکا نیظامی هاوا قوه‌لرینه عائید ب-52 اوزاق منزیل‌لی سالدیری و بومباردمان اوچاقلارینی یئرلشدیریله‌جگی بیلدیریلیر.
آچیقلامادا بو قوه‌لرین بؤلگه‌یه گئتمه‌یه حاضیرلانان یو‌اس‌اس آبراهام لینکولن اوچاق‌داشییان گمی‌سی ایله گلن‌آیدان اعتباراً گلمه‌یه باشلایاجاغی و بو حرکتلرین آمریکانین اینکیشاف ائد‌ن میللی تهلوکه‌سیزلیک تهدیدلرینه جواب وئرمک اوچون قیسا مدتده دونیا میقیاسین‌دا یئرلشدیرمه قابیلیتینی نوماییش ائتدیردیگی قئید ائدیلیب.
آچیقلامادا عینی زاماندا قئید اولونوب کی، بو یئرلشدیرمه‌لر بو یاخینلاردا ایسرائیل‌ده یئرلشدیریلن تئرمینال یوکسک هوندورلوک اراضی ساوونما‌سی (تاد) سیستئمینه، عینی زاماندا پنتاگونون شرقی آغدنیزین‌ده‌کی آمفیبی حاضیر قروپ دنیز سفرلری بیرلیگینین (آرگ/مئو) مؤوقعیینه اساس‌لانیر.
پنتاگون اوکتیابرین 13-ده وئردیگی یازی‌لی آچیقلامادا تاد باتری سیستئمی و اونو ایشله‌ده‌جک 100-ه یاخین عسگرین ایران تهلوکه‌سینه قارشی ایسرائیله گؤندریله‌جگینی آچیقلامیشدی.
ایلگیلی‌لی خبرلر
آمریکادان ایرانا "سوریه" چاغریسی
آمریکا "بیز ایرانین سوریه‌ده ثابت‌لیگی پوزان حرکتلرینی دایاندیرماسینی ایستییریک" آچیقلاماسینی وئردی.
