اوپن‌ای.آی چت‌جی.پی.تی-ده آختارما فونکسیونو ایشه سالیر
اوپن‌ای.آی اؤز صونعی روبوطو چت‌جی.پی.تی چت‌جی.پی.تی-ده "سرچ‌جی.پی.تی" آدلی آختارما/آراما سیستئمی فونکسیونونو ایشه سالیب.
اوپن‌ای.آی (OpenAI) اؤز صونعی روبوتو چت‌جی.پی.تی چت‌جی.پی.تی-ده (ChatGPT) "سرچ‌جی.پی.تی" (SearchGPT) آدلی آختارما/آراما سیستئمی فونکسیونونو ایشه سالیب.
اوپن‌ای.آی طرفین‌دن ائدیلن آچیقلامادا، چت‌جی.پی.تی-نین ایندی اینتئرنئت‌ده اؤنجه‌کین‌دن داها یاخشی آختارما ائده‌بیله‌جگی ایفاده ائدیلدی.
داها اؤنجه تئز جواب آلماق اوچون آختارما سیستئمینه گئتمگین لازیم اولدوغونا دقت چکن آچیقلامادا، مووافیق قایناقلارا کئچیدلری ایچه‌ر‌ن نتیجه‌لرین چت‌جی.پی.تی-دن الده ائدیله بیلجگی قئید ائدیلدی.
آچیقلامادا، چت‌جی.پی.تی-نین سوروشولانلارا اویغون اولاراق اینتئرنئت‌ده آختارما ائده‌بیلجگی و یا وئب آختارما ایشاره‌سینه باساراق آختارمانی ال ایله سئچه‌بیلجگینیز ایفاده ائدیلدی.
آچیقلامادا، آختارما فونکسیونونون chatgpt.com-دا اولدوغو کیمی ماسا اوستو و موبیل تطبیقلرده ده ایستیفاده اولونابیله‌جگی، بوتون چت‌جی.پی.تی پلاس و تیم ایستیفاده‌چیلرینین و سرچ‌جی.پی.تی گؤزله‌مه لیسته‌سی ایستیفاده‌چیلرینین یئنی خصوصیته داخیل اولابیله‌جگی بیلدیریلیب.
آچیقلامادا " سرچ‌جی.پی.تی" فونکسیونونون قارشی‌داکی آیلاردا پول‌سوز وئرژن ایستیفاده‌چیلرینه تقدیم ائدیله‌جگی بیلدیریلیب.
آچیقلامادا عینی زاماندا هاوا، بورس، ایدمان، خبرلر و خریطه‌لر کیمی کاتئقوریلر اوچون آکتوال معلومات و شکیللر علاوه ائتمک اوچون خبر و معلومات تأمینات‌چیلاری ایله امکداش‌لیق قورولدوغو و صحبتلرین ایندی قایناقلارا کئچیدلری ایچه‌رجگی وورغولاندی.
