بیرلشمیش میلتلر و آوروپا بیرلیگی، قوزئی کره‌نی قینادیلار
بیرلشمیش میلتلر تشکیلاتی و آوروپا بیرلیگی، قوزئی کره‌نین قاره‌لر آراسی بالیستیک راکئت بوراخماسینی کسکین شکیلده قیناییب
بیرلشمیش میلتلر تشکیلاتی و آوروپا بیرلیگی، قوزئی کره‌نین قاره‌لر آراسی بالیستیک راکئت بوراخماسینی کسکین شکیلده قیناییب.
باش کاتیب آنتونیو قوتئرئش‌ین تپکیسی ایله باغلی بیرلشمیش میلتلر تشکیلاتی سؤزچوسو طرفیندن آچیقلاما وئریلیب.
آچیقلامادا قوزئی کره‌نین داوام ائدن راکئت آتیشلارینین بیرلشمیش میلتلر تشکیلاتی تهلوکه‌سیزلیک شوراسینین مووافیق قطعنامه‌لرینی پوزدوغو قید ائدیله‌رک، "بیرلشمیش میلتلر تشکیلاتی‌نین باش کاتیبی، کره یاریم‌آداسینداکی وضعیت‌ده‌ن ناراحاتدیر" خبردارلیق ائدیلیب.
آچیقلامادا "بیرلشمیش میلتلر تشکیلاتی‌نین باش کاتیبی، قوزئی کره‌نین قاره‌لر آراسی بالیستیک راکئت بوراخماسینی قطعیتله پیسله‌ییر" یازیلیب.
آچیقلامادا قوتئرئش‌ین گرگینلیگین آزالدیلماسینی و بیرلشمیش میلتلر تشکیلاتی تهلوکه‌سیزلیک شوراسینین مووافیق قطعنامه‌لرینین یئرینه یئتیریلمه‌سینی طلب ائتدیگی بیلدیریلیب و دیپلوماتیک علاقه‌نین یئگانه واریانت اولدوغو وورغولانیب.
آوروپا بیرلیگی‌نین خاریجی علاقه‌لر و تهلوکه‌سیزلیک سیاستی اوزره عالی نوماینده‌سی جوزف بورئل طرفیندن ائدیلن آچیقلامادا، سؤزوگئدن حرکتین بیرلشمیش میلتلر تشکیلاتی تهلوکه‌سیزلیک شوراسینین مووافیق قرارلارینی پوزدوغو و "قانونسوز" اولدوغو بیلدیریلیب.
بورئل، "بو ثابیتلیگی پوزان و غیرقانونی حرکتلر بؤلگه‌سل و اولوسلار آراسی باریش و تهلوکه‌سیزلیگه، همچینین دونیا نووه سیلاحینین یاییلماماسی چابالارینا تهلوکه یارادیر" دئدی.
آچیقلامادا قوزئی کره، "بوتون نووه سیلاحلارینا، کوتلوی قیرغین سیلاحلارینا، بالیستیک راکئت پروقراملارینا و مؤوجود نووه پروقراملارینا سون قویماغا، بوتون علاقه‌لی فعالیتلری دایاندیرماغا و بیرلشمیش میلتلر تشکیلاتی تهلوکه‌سیزلیک شوراسینین مسئولیتلرینه عمل ائتمه‌یه" چاغیریلیب.
قوزئی کره، ژاپن دنیزینه (شرق دنیزی) قاره‌لر آراسی بالیستیک راکئت آتیب.
