آمریکالی موغننی دلا مایلز: غزه‌ده باش وئره‌نلر بیابیرچی‌لیق‌دیر

مشهور آمریکالی رسام دلا مایلز غزه‌ده باش وئرنلرین بیابیرچی اولدوغونو بیلدیریب.

مایکل جکسون و ویتنی هیوستونون ووکالیستی اولان و حاضیردا تورکیه‌ده یاشایان دلا مایلز غزه حادثه‌لری و موسیقی اثرلری ایله باغلی آنادولو آژانسینا آچیقلاما وئریب.

بو گونه قدر دونیادا یاشانان ایضطیرابلارا و ساواش‌لارا بیگانه قالمایان مایلز، غزه‌ده باش وئره‌نلره صنعت‌چیلرین ده حساس یاناشماسی لازیم اولدوغونو بیلدیریب.

مایلز، "اگر سنین پلاتفورمون وارسا، سسی ائشیدیلمه‌ین اینسانلارین سسی، علی و آیاغی اولماق لازیم‌دیر. اگر او اینسانلارین پروبلئملرینی باشقالارینا ائشیت‌دیرمیرسن‌سه، او زامان اؤزون‌دن اوتانمالی‌سان. بونو بیر اینسان کیمی ائتمک لازیم‌دیر" دئدی.

مایلز ساغلیغین‌دا غزه‌ده بئله بیر سویقیریمین اولاجاغینا هئچ واخت اینانا بیلمیه‌جگینی بیلدیره‌رک، "سانکی باش وئره‌نلرین هامی‌سی یوخو، کابوس ایمیش. اما تأسف کی، بونلار رئال‌دیر. بیلیرسینیز، بعضی اوشاقلار وار کی، "بو منیم‌دیر" دئیه‌رک باشقالارینی اینجی‌دیر، باشقالارین‌دان نسه آلماغا چالیشیر. بو دا بودور. بو گون باش وئریر، باشقا سؤزله، کیمه‌سه اونلاردا اولمایان بیر شئی وئریلیر.اونلار بیر شئیی زورلا، کوبود گوج تطبیق ائتمکله آلماغا چالیشیرلار و بو، حقیقتن آییب‌دیر" دئدی.

موغلادا یاشایان مایلز، "موغلا حقیقتن چوخ دینج بیر یئردیر. یعنی موختلیف اؤلکه‌لرده یاشامیشام، اما بورادا تاپدیغیم دینج‌لیگی هئچ یئرده تاپا بیلمدیم. اونا گؤره ده اؤزومو چوخ شانس‌لی حیس ائدیر‌م. منیم اوچون بؤیوک نعمت‌دیر، بونا گؤره ده تورکیه‌ده یاشاماق‌دان چوخ خوشبختم، فیکرینی پایلاشیب.