پزشکیان بریکس ۱۶-جی توپلانتی‌سیندا ایشتیراک ائتمک اۆچون قازانا گئدیب
ایران ایلک دفعه بو بین الخلق اجلاس‌دا رسمی و دایمی عۆضو کیمی چیخیش ائده‌جک.
2201940
ایران پرئزیدئنتی مسعود پزشکیان بریکس ۱۶-جی توپلانتی‌سیندا ایشتیراک ائتمک اۆچون قازانا گئدیب.
پزشکیان بو اۆچ گۆنلوک سفر زامانی بریکس و بریکس پلاس اجلاسیندا چیخیش ائدیب، بعضی همکارلاری او جمله‌دن ولادیمیر پوتین و شی جین پینگ ایله دا ایکی‌طرف‌لی گؤروشلر کئچیره‌جک.
پزشکیان گؤروشلرینین باشقا بیر حیصّه‌سی بلاروس و قیرقیزیستان پرئزیدئنتلری و هیندیستانین باش ناظیری ایله گؤروشلر اولاجاق.
ایران ایلک دفعه بو بین الخلق اجلاس‌دا رسمی و دایمی عۆضو کیمی چیخیش ائده‌جک.
قئید ائتمه‌لییک کی ۱۰ بریکس اؤلکه‌سی (روسیه، ایران، چین، هیندیستان، برزیل، جنوبی آفریقا، مصر، اتیوپی، عربیستان و بیرلشمیش عرب امیرلیکلری) باشچیلاری قازان شهرینده گؤروشه‌جکلر.
حاضیردا روسیه بریکس قروپونا صدرلیک ائدیر.
