پوتین‌دن تاخیل بورسونون یارادیلماسی تکلیفی
پوتین بریکس چرچیوه‌سین‌ده تاخیل بورسونون یارادیلماسینی تکلیف ائدیب و بیلدیریب کی، بو تشببوس گله‌جک‌ده تام حوقوق‌لو دگرلی اشیا بورسونا چئوریله بیلر.
روسیه پرئزیدئنتی ولادیمیر پوتین بریکس چرچیوه‌سین‌ده تاخیل بورسونون یارادیلماسینی تکلیف ائدیب و بیلدیریب کی، بو تشببوس گله‌جک‌ده تام حوقوق‌لو دگرلی اشیا بورسونا چئوریله بیلر.
پوتین روسیه فئدئراسیونون تؤره‌مه‌سی اولان تاتاریستان جمهوریتینین پایتاختی قازان‌دا کئچیریله‌ن بریکس لیدرلر ایجلاسینین گئنیشلندیریلمیش توپلانتی‌سین‌دا چیخیش ائدیب.
گلوبال تیجارتین و دونیا ایقتیصادینین اهمیت‌لی دگیشیک‌لیکلردن کئچدیگینی وورغولایان پوتین، "دیگر طرف‌دن، تیجارت فعالیتینین مرکزی تدریجه‌ن اینکیشاف ائتمک‌ده اولان بازارلارا کئچیر. "ایلک نؤوبه‌ده گلوبال جنوب و شرق اؤلکه‌لری و طبیعی کی، بریکس اؤلکه‌لری سایه‌سین‌ده یئنی آرتیم دالغاسینا ایستارت وئره‌ن چوخ قوطب‌لو مودئل فورمالاشیر" دئدی.
بریکس اؤلکه‌لرینین دونیا تاخیل اوره تیمینده اهمیت‌لی پای صاحب اولدوغونو آچیقلایان پوتین، "بریکس ایچین‌ده تاخیل بورسونون قورولماسی خام مالین عدالت‌لی و اؤنگؤروله‌بیلن قیمتینه دستک اولاجاق" دئدی.
سؤزوگئدن تشببوسون بازارلاری "منفی خاریجی عامللردن" ده قورویاجاغینی بیل‌دیره‌ن پوتین، "زامانلا تاخیل بورسونو تام حقوق‌لو بیر دگرلی اشیا بورسونا چئویرمگی دوشونه بیلریک. قیمت‌لی مئتاللار و آلماسلار اوچون آیریجا بریکس پلاتفورمونون یارادیلماسی دا مقصده اویغون اولاردی" دئدی.
بریکس‌ده یاتیریم پلاتفورماسی یاراتماغی دا تکلیف ائد‌ن پوتین دئییب: "بو، میللی ایقتیصادیاتلاریمیزی دستکله‌مک و گلوبال جنوب و شرق اؤلکه‌لرینه مالییه قایناقلاری تامین ائتمک اوچون گوج‌لو بیر واسطه‌یه چئوریله‌جک" دئدی.
پوتین دئییب کی، بریکس اهالی و سرمایه آرتیمی، شهرلشمه، آرتان ایشچی وئریملیلیغی و تکنولوژی تشببوسلر سایه‌سین‌ده گلوبال ایقتیصادیداکی مؤوقعینی داها دا گوجلن‌دیره‌جک.
