مکرون، نتانیاهو ایله دانیشیب
فرانسه پرئزیدئنتی امانوئل مکرون، ایسرائیلین باش ناظیری بئنیامین نتانیاهو ایله یاخین دوغوداکی وضعیتی موذاکیره ائدیب

فرانسه پرئزیدئنتی امانوئل مکرون، ایسرائیلین باش ناظیری بئنیامین نتانیاهو ایله یاخین دوغوداکی وضعیتی موذاکیره ائدیب.
الیزه ساراییندان وئریلن آچیقلامایا گؤره، مکرون و نئتانیاهو آراسیندا تلئفون دانیشیغی اولوب.
مکرون اکتبرون ۱۹-دا پیلوتسوز اوچوش آپاراتی (ایها) ایله نتانیاهونون ایقامتگاهینی هدف آلان هوجوملاری «قبولائدیلمز» آدلاندیریب و همرایلیک مئساژی وئریب.
فرانسهنین ایسرائیلین تهلوکهسیزلیگینه صادیقلیغینی تکرارلایان مکرون، حماس لیدئری یحیی سینوارین اؤلومونون "غزهده آتیشکس ایستقیامتینده دانیشیقلاری یئنی مرحلهیه داشیماق اوچون فورصت وئرمهلی اولدوغونو" مودافیعه ائتدی.
مکرون ایسرائیلین لبنان-ا هوجوملاری قونوسوندا غیرنظامی آلتیاپیلارین هدفه آلینماماسینی، سیویل اهالینین قورونماسینی و تئزلیکله آتیشکسین یارادیلماسینی طلب ائدیب.
ایسرائیل اوردوسونون بیرلشمیش میلتلر تشکیلاتینین لبنانداکی گئچیجی باریش قووهلرینه (اونیفیل) قارشی حرکتلرینی قینایان مکرون، بیرلشمیش میلتلر تشکیلاتینین "گونئی لبنانداکی رولونو تام شکیلده یئرینه یئتیرمهسینی" ایستدیگینی بیلدیریب.
ایکی لیدئر «یاخین دوغودا بؤحرانلارین یاییلماسیندا ایرانین مسئولیتینی»ده موذاکیره ائدیبلر.