پوتین: بیز اوکراینانین نوکلئر سیلاحی اوره تیمینه ایجازه وئرمیهجگیک
روسیه پرئزیدئنتی ولادیمیر پوتین هئچ بیر حالدا اوکراینانین نوکلئر سیلاحی اوره تیمینه ایجازه وئرمهیهجکلرینی بیان ائدیب.
روسیه پرئزیدئنتی ولادیمیر پوتین هئچ بیر حالدا اوکراینانین نوکلئر سیلاحی اوره تیمینه ایجازه وئرمهیهجکلرینی بیان ائدیب.
ولادیمیر پوتین پایتاخت موسکوادا بریکس اؤلکهلرینین مطبوعات تشکیلاتلارینین نمایندهلرینین سواللارینی جوابلاندیریب.
اوکراینا پرئزیدئنتی ولادیمیر زلنسکینین نوکلئر سیلاحی الده ائده بیلهجکلری ایله باغلی آچیقلامالارینی دگرلهندیرن پوتین "بو، باشقا بیر تحریکدیر" دئییب.
دونیادا "ائلیت" سیلاحلارین اوره تیمینین آرتیق چتین اولمادیغینا ایشاره ائدن پوتین، "اوکراینانین بونو (نوکلئر سیلاحی اوره تیمی) ائدجک وضعیتده اولوب-اولمادیغینی بیلمیرم. آنجاق بو، تهلوکهلی بیر تحریکدیر و ایستهنیلن بو ایستیقامتده آتیلان آددیم دا اوخشار رئاکسیانی آلاجاق" قیمتلندیرمهسینی ائتدی.
اوکرایناداکی مؤوجود سیاسی رهبرلیگین داها اؤنجه ده اوخشار آچیقلامالار وئردیگینه دقت چکن پوتین، "بئله بیر تهدید روسیهنین مووافیق رئاکسیاسینا سبب اولاجاق. روسیه هئچ بیر شرایطده بونا ایجازه وئرمهیهجک" دئدی.
اوکراینا ایله باغلی باریش دانیشیقلارینا آچیق اولدوقلارینی ایفاده ائدن پوتین، دانیشیقلارین 2022نجی ایلده ایستانبولدا ایمضالانان سندلر اساسیندا آپاریلا بیلهجگینی بیلدیریب.
