گبریسوس غزه‌ده 157 مین اوشاغین آشی اولوندوغونو بیلدیریب

دونیا ساغلیق تشکیلاتی‌نین باش مودیری دروس آدهانوم گبریسوس اوکتبرین 14-ده باشلایان اوشاق فلجی واکسیناسیون کامپانیاسی‌نین ایکینجی مرحله‌سی چرچیوه‌سینده غزه‌ده تخمینا 157 مین اوشاغین واکسیناسیون اولوندوغونو بیلدیریب.

گبریسوس غزه‌ده داوام ائدن واکسیناسیون کامپانیاسی‌نین ایکینجی تورو ایله باغلی  ایکس حسابیندا پایلاشیم ائدیب.

"غزه‌نین مرکزینده ایکی گون داوام ائدن واکسیناسیوندان سونرا اوشاق فلجی واکسنی‌نین ایکینجی دوزونو قبول ائدیلن اوشاق‌لارین عمومی سایی 156 مین 943-ا چاتیب" ایفاده لریندن ایستیفاده ائدن گبریسوس واکسیناسیونون داوام ائتدیگینی بو مدت عرضینده 128 میندن چوخ اوشاغا آ ویتامینی وئریلدیغینی بیلدیریب.

گبریسوس آتیشکس و باریش چاغیریشینی بیر داها تکرار ائده‌رک طرف‌لری واکسن وورولان اراضی‌لرده موناقیشه‌یه اینسانی  فاصیله وئرمک قرارینا داوام ائتمه‌یه چاغیریب.

فیلیسطین ساغلیق ناظیرلیگی آوقوستون 16-دا غزه زولاغیندا ایلک اوشاق فلجی حادثه‌سی‌نین آشکار ائدیلدیگینی آچیقلاییب.

دونیا ساغلیق تشکیلاتی، فیلیسطین ساغلیق ناظیرلیگی، بیرلشمیش میللت‌لر تشکیلاتی‌نین اوشاق فوندو (یونیسف) و بمت یاخین شرقده‌کی فیلیسطینلی قاچقینلارا یاردیم و باریندیرما آژانسی (آنروا) امکداش‌لیغی ایله غزه زولاغیندا 10 یاشیندان کیچیک 600 میندن چوخ اوشاغی احاته ائدن اوشاق فلجی واکسیناسیون کامپانیاسی باشلادی.

سپتامبرین 16-دا بیرینجی تور باشا چاتیب و واکسیناسیون حجمی 90 فایزه چاتدیغی بیلدیریلیب.