ترامپ، نئتانیاهونو حزبالله-ا هوجوملارینا گؤره تبریک ائدیب
ترامپ ایسرائیلین لبناندا حزبالله-ا قارشی "قطعیتلی و گوجلو حرکتلری"نه گؤره نئتانیاهونو تبریک ائدیب

آمریکانین گئچمیش پرئزیدئنتی و جمهورتچیلر پارتیسیندن جمهور باشقانلیغا نامزد دونالد ترامپ، ایسرائیلین باش ناظیری بئنیامین نئتانیاهونو حزبالله-ا هوجوملارینا گؤره تبریک ائدیب.
ایسرائیل باش ناظیرلیگینین مطبوعات ادارهسیندن وئریلن آچیقلامادا ترامپ و نئتانیاهونون تخمینا بیر هفته اول تلئفونلا دانیشدیغی بیلدیریلیب.
آچیقلامایا گؤره، گؤروش زامانی ترامپ ایسرائیلین لبناندا حزبالله-ا قارشی "قطعیتلی و گوجلو حرکتلری"نه گؤره نئتانیاهونو تبریک ائدیب.
گؤروشده آمریکانین جمهورتچی سئناتورو لیندسی قراهام دا ایشتیراک ائدیب.
۲۰۲۳-جو ایل اکتبرون ۸-دن حزبالله ایله کنترللو توققوشمالاری داوام ائتدیرن ایسرائیل اوردوسو سپتامبرین ۲۳-ده لبنانین گونئی شهرلری ایله یاناشی بقاع و بعلبک بؤلگهلرینهده یوزلرله هاوا ضربهسی ائندیریب.
لبنان ساغلیق ناظیرلیگینین بیلگیلرینه گؤره، ۲۰۲۳-جو ایل اکتبرون ۸-دن بری ۱۰۴-او اوشاق و ۱۹۴-او قادین اولماقلا، عمومیلیکده ۲۱۱۹ نفر دونیاسینی دَگیشیب.
حزبالله لیدئری حسن نصرالله سپتامبرین ۲۷-ده ایسرائیل اوردوسونون بیروت-ا ائندیردیگی هاوا ضربهلری نتیجهسینده اؤلدورولوب.