نیجریه خام نفتی یئرلی پول ایله ساتیر

آفریقا قاره‌سینین نفت و طبیعی گازلا زنگین اؤلکه‌سی نیجریه خام نفتی یئرلی پول ایله ساتماغا باشلاییب.

مالییه ناظیرلیگینین اینفورماسیون و ایجتیماعیتله علاقه‌لر دیرئکتورو محمد مانگا وئردیگی یازی‌لی آچیقلامادا، فئدئرال ایجرا شوراسینین دیرئکتیوینه اویغون اولاراق خام نفتین یئرلی پول اولان نایرا ایله ساتیشینا باشلانیلدیغینی بیلدیریب.

مانگا قئید ائدیب کی، بو ایستراتژیک تشببوسون نیجریه ایقتیصادینه داوام‌لی تأثیر گؤسترمه‌سی، آرتیشمی، ثابت‌لیگی و اؤزونه یئترلیگی گوجلن‌دیرمه‌سی گؤزلنیلیر.

اؤلکه‌نین گلوبال بازارلارین قارماشیک‌لیگی ایچری‌سین‌ده گزمه‌یه داوام ائتدیگینی بیل‌دیر‌ن مانگا، بو ایستراتژیک آددیمین نیجریه‌نی گله‌جک‌ده اوغور اوچون گوچلندیردیگینی بیلدیردی.

نیجریه‌نین معین ائدیلمیش نفت رزرولری تخمیناً 37 میلیارد بوشکه‌دیر و دونیا رزرولرینین 3.1 فایزینی تشکیل ائدیر.

خام نفت اوره تیمین‌دا دونیانین ایلک 15 اؤلکه‌سی آراسین‌دا یئر آلان نیجریه دونیادا ان چوخ نفت رزروینه مالیک 8-جی، نفت ایخراجاتین‌دا ایسه ۶-جی اؤلکه‌دیر.