ناتو-نون یئنی باش کاتیبی، اردوغان ایله چالیشمایا داوام ائده‌جه‌گینی بیلدیریب
مارک روتئه تئرورلا موباریزه‌نین ناتودا آپاریلمالی اولدوغونو و بو قونودا پرئزیدئنت رجب طیب اردوغان ایله چالیشمایا داوام ائده‌جه‌گینی بیلدیریب
ناتو-نون یئنی باش کاتیبی مارک روتئه تئرورلا موباریزه‌نین ناتودا آپاریلمالی اولدوغونو و بو قونودا پرئزیدئنت رجب طیب اردوغان ایله چالیشمایا داوام ائده‌جه‌گینی بیلدیریب.
مارک روتئه وظیفه‌یه گلدیکدن سونرا ایلک مطبوعات کنفرانسینی ناتو-نون بئلژیک‌ین باشکندی بروکسئل‌ده‌کی منزیل-قرارگاه‌یندا گئچیردی.
روتئه، "گونئیدکی آکتیو بؤلگه‌میزده ثابیتلیگی تشویق ائتمک اوچون یاخین دوغو، قوزئی آفریقا و ساحئل بؤلگه‌لریندکی طرفداشلاریمیزلا قارشیلیقلی فعالیتیمیزی آرتیراجاغیق. بیز اؤلکه‌لریمیزه و خالقلاریمیزا قارشی تئرور تهلوکه‌سی ایله موباریزه آپارماق اوچون داها چوخ ایش گؤرملی‌ییک" دئدی.
تورکیه‌نین تئرورلا موباریزه و موتفیقلر آراسیندا تحریم‌لرین قالدیریلماسی ایله باغلی گؤزلنتیلر قونوسونداکی سوالی جاوابلاندیران روتئه، هلندین باش ناظیری اولدوغو دؤورده پرئزیدئنت اردوغان ایله بیرلیکده چالیشدیقلارینی خاطیرلادیب.
روتئه، "یاخین دوستوق و تئرورلا موباریزه قونوسوندا هم‌فیکیر اولدوغوموزو دئیه‌بیله‌رم. آیدیندیر کی، تئرورلا موباریزه ناتو چرچیوه‌سینده بیزیم ده حل ائتمه‌لی اولدوغوموز بیر مسئله‌دیر" دئدی.
تئرورلا موباریزه‌ده پرئزیدئنت اردوغان ایله ایشله‌مه‌یه "آچیق" اولدوغونو ایفاده ائدن روتئه، "بو مؤوضوعدا بیرلیکده چالیشماق لازیمدیر. بونو ائده‌جه‌ییک" دئدی.
روتئه وورغولاییب کی، موتفیقلر آراسیندا سیلاح آلیشینا هئچ بیر محدودیت قویولماماسی واجیبدیر.
