مارک روته، ناتو باش کاتیبلیگینی استولتنبرگدن آلدی
بلژیکین پایتاختی بروکسلده‌کی ناتو قرارگاهیندا، باش کاتیبلیگین استولتنبرگدن روته‌یه تحویلی اوچون رسمی مراسیم تشکیل ائدیلدی
مارک روته، ناتو باش کاتیبلیگینی ینس استولتنبرگدن رسمی اولاراق آلدی.
بلژیکین پایتاختی بروکسلده‌کی ناتو قرارگاهیندا، باش کاتیبلیگین استولتنبرگدن روته‌یه تحویلی اوچون رسمی مراسیم تشکیل ائدیلدی.
مراسیمده دانیشان روته، وزظیفه‌نی اؤزونه امانت ائد‌ن بوتون متفیقلره تشکر ائتدی.
استولتنبرگه خیطاب ائد‌ن روته، "نومونه بیر باش کاتیب اولدونوز. بو گون ناتو داها بؤیوک، داها گوجلو و بیرلشمیش حالدا. بو بؤیوک اؤلچوده لیدئرلیگینیز سایه‌سینده. بیر طرفدن خلفینیز اوچون باشاری حدینی یوکسلتمیش اولدونوز آنجاق دیگر طرفدن ساغلام بیر اتفاق تحویل آلمامی تامین ائتدینیز" دئیه دانیشدی.
"ناتونو گله‌جگین چتینلیکلرینه حاضیرلاماغا قرارلییام" دئیه‌ن روته، اؤنجه‌لیکلرینین ناتونو گوجلو توتماق، کوللئکتیو مدافعه‌نین بوتون تهدیدلره قارشی تأثیرلی و اعتبارلی قالماسینی تامین ائتمک، داها چوخ مدافعه خرجله‌مه‌سی ائتمک و سرمایه‌سی قویماق، اوکراینایا دستگی آرتیرماق و بو اؤلکه‌نی ناتویا داها دا یاخینلاشدیراراق عضو اولماسی اوچون چالیشماق، آوروپا بیرلیگی باشدا اولماق اوزره آسیا-پاسیفیک کیمی بؤلگه‌لرده ده عینی دگرلری پایلاشان اورتاقلارلا امکداشلیغی اینکیشاف ائتدیرمک اولدوغونو بیلدیردی.
اوکراینانین ناتو عضوو اولماسی لازیم اولدوغونو وورغولایان مارک روته، "گوجلو و مستقیل بیر اوکراینا اولمادان آوروپادا قالیجی بیر تهلوکه‌سیزلیک اولا بیلمز" ایفاده‌سیندن ایستیفاده ائتدی.
یئنی باش کاتیب، آوروپا بیرلیگینه ناتونون "بنزرسیز و تمل اورتاغی" اولاراق تانیملادی و امکداشلیغین اینکیشاف ائتدیریله‌رک داوام ائتدیریلمه‌سی لازیم اولدوغونون وورغولادی.
ینس استولتنبرگ ده روته‌نین هولندده ۴ کوالیسیون حکومتینه لیدئرلیک ائتدیگینی خاطیرلاداراق، "آنلاشما تامین ائتمه‌گی بیلدیگینیزی گؤستردینیز. بو، ناتودا چوخ دگر وئریله‌جک بیر شئی. آنجاق عینی زاماندا تمل دگرلریمیزدن و قانونلاریمیزدان امتیاز وئرمه‌دیگینیزی ده گؤستردینیز" دئیه دانیشدی.
داها سونرا استولتنبرگ، کورسوسونو روته‌یه تحویل وئردی.
