جامو کشمیرده مجلیس سئچکیلرینین سون مرحله‌سی اوچون سس وئرمه باشلاییب

هیندیستانین ایداره ائتدیگی جا‌مو-کشمیرده 10 ایلده‌ن سونرا ایلک دفعه کئچیریله‌ن مجیلس سئچکیلرینین سون مرحله‌سی اوچون سس وئرمه باشلاییب.

جا‌مو-کشمیرده سئچیجیلر اوچ مرحله‌ده: 18 سپتامبر، 25 سپتامبر و 1 اوکتبردا کئچیریله‌ن مجلیس سئچکیلرینین سون مرحله‌سی اوچون سئچکی منطقه‌لرینه گئدیبلر.

سئچکیلرده 90 یئره 8.7 میلیون‌دان چوخ سئچیجی سس وئریر.

415 نامیزد آراسین‌دان سئچیله‌جک 40 میللت وکیلیندن 24-و جامو، 16سی ایسه کشمیر بؤلگه‌سینی تمثیل ائد‌جک.

جامو-کشمیر مجلیسی یئرلرین‌دن 47-سی کشمیری، 43-و ایسه جامونو تمثیل ائد‌جک.

سئچکیلرده 46 و داها چوخ صندل قازانان پارتی چوخلوغا صاحب اولاجاق.

سس وئرمه‌نین بیرینجی مرحله‌سین‌ده 24، ایکینجی مرحله‌ده ایسه 26 میللت وکیلی سئچیلیب.

سئچکیلرین نتیجه‌لرینین گلن هفته آچیقلاناجاغی گؤزله‌نیلیر.

جامو-کشمیرده سونونجو پارلامئنت سئچکیلری 2014نجو ایلین نویابر-دئکابر آیلارین‌دا کئچیریلیب. او دؤورده ایالت اولان جا‌مو-کشمیرده نارندرا مودی‌نین بهاراتیا ژاناتا پارتسی (بژپ) و جا‌مو-کشمیرین کئچمیش باش ناظیر و خالق دموکراتیک پارتی‌سینین باشقانی محبوبا موفتی کوالیسیونو حکومتی قوردو.

هیندیستان باشباخانی نارندرا مودینین بهاراتیا ژاناتا پارتسی موفتی‌یه وئردگی دستگی گئری گؤتوردو و کوالیسیوم 19 ایون 2018-جی ایلده داغیل‌دی. او واخت‌دان بری جا‌مو-کشمیر بیرباشا یئنی دهلی طرفین‌دن ایداره اولونور.

2019-جو ایل آوگوستون 5یندن سونرا منطقه‌نین اؤزل ایستاتوسو لغو ائدیلدی و دؤولت مرکزه تابع اولان ایکی بیرلیک اراضی‌سینه چئوریلدی.

5 آوگوست 2019-جو ایلده هیندیستان حکومتی یاریم عصردن چوخ مدت عرضین‌ده جا‌مو-کشمیره اؤزل ایستاتوس وئره‌ن آنایاسانین ماده‌لرینی لغو ائد‌رک، بؤلگه‌نی مرکزی حکومتین بیرباشا رهبرلیگی آلتین‌دا "بیرلیک اراضی‌سی" ایستاتوسونا ائندیردی.

سونرا بؤلگه‌نین اراضی‌سی 31 اوکتبر 2019-نجو ایلده مرکزه باغلانان جا‌مو-کشمیر و لاداخ، رسمی اولاراق ایکی یئره بؤلوندو.

1947-جی ایلده‌ن بری اجنبیلرین بؤلگه‌ده مسکونلاشماسینا و املاک الده ائتمه‌سینه ایجازه وئرمه‌ین جا‌مو-کشمیر وطنداش‌لیق قانونو دا لغو ائدیلدی.

موسلمانلار بونا گؤره ده ناراحاتدیرلار کی، مرکزی حکومت هیندولارین اکثریتینی بؤلگه‌یه یئرلش‌دیرمکله بؤلگه‌نین دئموگرافیسینی دییشه‌جک.