آمریکا اورتا شرقه عسگر گؤندرجک
"مدافعه ناظیرلیگی، بؤلگه‌ده سالدیرقانلیغی داشیندیرماق و داها گئنیش بیر منطقه ساواشی ریسکینی آزالتماق اوچون اورتا شرقده‌کی آمریکا گوجلرینین قوت دوروشونو داها دا گوجله‌ندیرمک مقصدی ایله آددیملار آتیر"
آمریکا بیرلشمیش دؤولتلری مدافعه ناظیرلیگی (پنتاگون)، "سالدیرقانلیغی داشیندیرماق و داها گئنیش بیر منطقه ساواشی ریسکینی آزالتماق اوچون" اورتا شرقده اولان مؤوجود گوجلرینه ساواش طیاره‌لری و تقویه عسگر گؤندرجگینی آچیقلادی.
پنتاگون سؤزچو کؤمکچیسی سابرینا سینگ، گونده‌لیک مطبوعات کنفرانسیندا،
"مدافعه ناظیرلیگی، بؤلگه‌ده سالدیرقانلیغی داشیندیرماق و داها گئنیش بیر منطقه ساواشی ریسکینی آزالتماق اوچون اورتا شرقده‌کی آمریکا گوجلرینین قوت دوروشونو داها دا گوجله‌ندیرمک مقصدی ایله آددیملار آتیر" دئدی.
بؤلگه‌ده اولان و ردییشیم زامانی گلن یواس‍اس آبراهام لینکولن طیاره گمی دونانماسینین یئرینده قالماسی تعلیماتی وئریلدیگینی ایفاده ائد‌ن سینگ، بؤلگه‌یه آیریجا هاوا مدافعه‌‌سینین گوجله‌نمه‌سی اوچون مؤوجود عسگری وارلیغا علاوه اولاراق اف-۱۵ای استریک ایگل، اف-۱۶، آ-۱۰ و اف-۲۲ ساواش طیاره‌لری و بونلاری دستکله‌یه‌جک "بیر نئچه مین" پرسنل گؤندریله‌جگینی بیلدیردی.
سینگ، آیریجا پنتاگونون، مختلیف احتیماللارا جاواب وئرمه حاضرلیقلارینی داها دا اوست سویه‌یه داشیماق اوچون آمریکا ایچینده‌کی عسگری بیرلیکلرین بؤلگه‌ده یئرلشدیریلمه‌سینه ایستیقامتلی حاضرلیق سویه‌سینین آرتیریلدیغی معلوماتینی پایلاشدی.
