ترامپ، هریس‌ین "عقلی قصورلو" اولماسی ایله باغلی آچیقلامالارینی تکرارلادی
ترامپ سئچکی کمپینی زامانی بیر چوخ جمهوریتچی‌نین بئله آچیقالامالاردان چکینمه‌سی ایله باغلی تنقیدلرینه باخمایاراق، رقیبی هریس-ه قارشی آشاغیلاییجی سؤزلر دئمه‌یه داوام ائدیر
آمریکانین گئچمیش پرئزیدئنتی و جمهوریتچیلر پارتیسیندن جمهور باشقانلیغا نامزد دونالد ترامپ، دئموکرات رقیبی کامالا هریس‌ین "عقلی قصورلو" اولماسی ایله باغلی آچیقلامالارینی تکرارلاییب.
CNN-ین بیلگیلرینه گؤره، ترامپ سئچکی کمپینی زامانی بیر چوخ جمهوریتچی‌نین بئله آچیقالامالاردان چکینمه‌سی ایله باغلی تنقیدلرینه باخمایاراق، رقیبی هریس-ه قارشی آشاغیلاییجی سؤزلر دئمه‌یه داوام ائدیر.
جمهور باشقانلیغا نامزد ترامپ، دونن پئنسیلوانیا ایالتینده گئچیریلن سئچکی میتینقینده‌کی چیخیشیندا، "(آمریکا پرئزیدئنتی) جو بایدن عقلی جهتدن قصورلو اولدو. کدرلیدیر، آما دوزونو دئسم، کامالا هریس‌ین بئله دوغولدوغونا اینانیرام" دئدی.
گئچمیش پرئزیدئنتین طرفدارلاری ترامپ‌ین رقیبینه قارشی آچیقلامالارین‌دان ناراحاتدیرلار.
ترامپ‌ین مطرح موتفیقلریندن اولان جمهوریتچی سئناتور لیندسی گراهام CNN پروقرامیندا هریس‌ین "ذهنی جهتدن قصورلو" اولدوغونو دوشونمه‌دیغینی، اونون "ده‌لی لیبئرال" اولدوغونو سؤیله‌دی.
گراهام، ترامپ-ی بئله آچیقلامالار یئرینه اقتیصادیات، سرحد پروبلئمی، تورم و خاریجی سیاست مسئله‌لرینه دقت یئتیرمه‌یه چاغیریب.
ترامپ سپتامبرین ۲۸-ده ویسکونسین ایالتینده ائتدیگی چیخیشدا «کامالا عقلی جهتدن قصورلودور» دئییب.
