نئپالدا سئل و تورپاق سوروشمهسی؛ 193 نفر اؤلوب
جنوبی آسیا اؤلکهسی نئپالدا گونلرله داوام ائدن شیدتلی یاغیشلارین سبب اولدوغو سئل و تورپاق سوروشمهلرینده 193 نفر اؤلوب.
جنوبی آسیا اؤلکهسی نئپالدا گونلرله داوام ائدن شیدتلی یاغیشلارین سبب اولدوغو سئل و تورپاق سوروشمهلرینده 193 نفر اؤلوب.
نئپال پولیسینین وئردیگی آچیقلامادا اؤلکه ایچینده باش وئرهن سوروشمه و داشقینلار نتیجهسینده ایندییهدک 193 نفرین اؤلدویو بیلدیریلیب. 31 نفرین هله ده ایتکین دوشدویو، 96 نفرین یارالاندیغی بیلدیریلیب.
بیلدیریلیب کی، اؤلوم حاللارینین چوخو پایتاخت کاتماندودا قئیده آلینیب، اورادا گوجلو یاغیشلار یاغیب، شهرین جنوب حیسهسینین اهمیتلی بؤلومو سو آلتیندا قالیب.
کاتماندو و اطرافلاریندا ایتکین دوشهنلرین تاپیلماسی ایستیقامتینده آختارما- قورتارما ایشلرینین داوام ائتدیگی بیلدیریلیب. آختارما- قورتاما مقاملاری سوروشمه نتیجهسینده بعضی اساس یوللارین باغلاندیغینی و ماشینلارین یولدا قالدیغینی قئید ائدیبلر.
اؤلکهده هر ایل ایون-سپتامبر آیلاری آراسیندا تأثیرلی اولان موسون یاغیشلاری جان و مال ایتکیسینه سبب اولور.
