آمریکا آلاسکایا عسگر گؤندردی

آمریکا بیرلشمیش دؤولتلری اوردوسو، روسیانین آلاسکادا آرتان عسگری فعالیتلری قارشیسیندا، بو بؤلگه‌یه عسگر سؤوق ائتدی.

روسیانین، ۱۰-۱۶ سپتامبردا پاسیفیک و آرکتیکا اقیانوسلاری باشدا اولماق اوزره بیر چوخ دنیز بؤلگه‌سینی احاطه ائد‌ن "اقیانوس-۲۴" عسگری مانورلاری قایغی سببی اولدو.

آمریکا اوردوسو، روسیانین هوجوملاری قارشیسیندا، حرکتلی راکت آتار تجهیزاتلی تخمیناً ۱۳۰ عسگرینی، آلاسکا یاریم آداسینین جنوب-غربه دوغرو داوامینی میدانا گتیره‌ن آلیوت آدالاری بؤلگه‌سینه گؤندردی.

آمریکا و کانادانین شیمالی آمریکا اوچون هاواچیلیق و اوزای ساحه‌سینده قوروما تامین ائد‌ن بیرلشمیش قورولوشو شیمالی آمریکا هاواچیلیق مدافعه باشچیلیغی (نوراد)، ۱۱ سپتامبر، ۱۳ سپتامبر، ۱۴ سپتامبر و ۱۵ سپتامبردا آلاسکا سولاریندا روس عسگری طیاره‌لرینی گؤروب ایزله‌دیگینی بیلدیردی.

مدافعه ناظیرلیگینین (پنتاگون) شرحینده، ۸ روس عسگری طیاره‌سی ایله ۲ دنیز آلتی داخیل ۴ دونانما گمیسینین آلاسکایا یاخینلاشدیغی آنجاق طیاره‌لرینین آمریکا هاوا ساحه‌سینی پوزمادیغی قئید ائدیلدی.

"قوت عکس ائتدیرمه" آدی وئریله‌ن عملیات داخیلینده آمریکا عسگرلری گئچه‌ن هفته آلاسکانین آنکوریج شهرینین تخمیناً ۲ مین کیلومتر جنوب-غربینده‌کی شمیا آداسینا سؤوق ائدیلدی.

بؤلگه‌یه یئرلشن عسگرلرین، یانلاریندا یوکسک حرکت قابیلیتینه صاحب ۲ توپچو راکت سیستمی (هیمارس) آپاردیغی بیلدیریلدی.

شمیا آداسیندا، ایکینجی دونیا ساواشیندان قالما آمریکا هاوا قوه‌لرینه عاید هاوا مرکزینین وارلیغی بیلینیر.

آمریکا مدافعه ناظیرلیگی (پنتاگون) سؤزچوسو ژنرال پاتریک رایدر، مطبوعات بیلگیلندیرمه توپلانتیسیندا، "روسلارین و چینلیلرین یاخینلاردا اوچدوغونو ایلک دفعه گؤرموروک و بونو یاخیندان ایزله‌ییریک و بونا جاواب وئرمه‌یه حاضیریق" ایفاده‌لریندن ایستیفاده ائتدی.