ژاپندا یاشلیلارین ساییسی آرتیر

ژاپندا یاشلی اهالی سرعتله آرتماغا داوام ائدیر.

ساغلیق، ایش و رفاه ناظیرلیگی طرفیندن آچیقلانان معلوماتلارا گؤره، ۱۰۰ یاشینی آشانلارین ساییسی آرد آردا ۵۴ ایلدیر یوکسلیر.

سپتامبر آیی اعتیبارییلا ۱۰۰ یاشین اوزرینده‌کی اهالی، ایلک دفعه ۹۵ مینی آشاراق ۹۵ مین ۱۱۹ نفره چیخدی. گئچه‌ن ایلین معلوماتلارییلا مقایسه ائدیلنده بو سایی ۲ مین ۹۸۰ نفر آرتدی. ۱۰۰ یاش اوزرینده‌کیلرین ۸۳ مین ۹۵۸ی قادین، ۱۱ مین ۱۶۱ی ایسه کیشیدیر.

ژاپن، دونیادا ان اوزون یاشام مدتینه صاحب اؤلکه‌لردن بیری اولاراق دقت چکیر.

اؤلکه‌ده "عؤمورو بیر عصری آشمیشلارا" باغلی اهالی معلوماتلاری ایلک دفعه ۱۹۶۳ده قئیده گئچمه‌یه باشلامیشدی.

حیاتداکی ان یاشلی اینسان ۱۱۶ یاشینداکی ایتووکا تومیکو دا ژاپندا یاشاییر.