آلمان‌دا تورک‌لره اؤزل اَیلنجه مکانیندا پارتلاما باش وئریب

آلمان‌ین کؤلن شهرینده تورکلره اؤزل اَیلنجه مکانینین گیریشینده پارتلاما باش وئریب.

پارتلاما داغینتیلارا سبب اولوب.

پلیسین وئردیگی آچیقلامایا گؤره، سحر ساعاتلاریندا باش وئرن پارتلاییشدا جان ایتکیسی و یا یارالانان اولماسا دا، مادی زیان میدانا گلیب.

پارتلاییش نتیجه‌سینده مکانین گیریشینده‌کی تاوان اوچوب، شوشه‌لر سینیب.

پلیس هله‌لیک پارتلامانین سببی باره‌ده بیلگی وئرمه‌ییب.